貓奴打卡必去 朗豪坊打造貓咪樂園

貓星人嘅魅力，好多人都抵擋唔到，朗豪坊打造超級療癒嘅「#HappyMEOWment喵民遊樂園」，一眾「貓奴」去到4樓通天廣場嘅大型貓咪playhouse，相信唔會捨得走。今次全場焦點肯定係2.4米高巨型貓咪，養貓之人多數好鍾意攬住愛貓，見到巨型貓咪之後，可以試下投入貓貓嘅懷抱。

除此之外，廣場仲有日和招財貓風呂屋、歐洲貓Café、同埋香港懷舊士多報攤；喺士多入面尖東「忌廉哥」會變身店長，等大家盡情同佢selfie！

影完相之後，大家記得要去7樓嘅期間限定店「喵店Meow Shop」朝聖，聽講佢哋搜集咗好多特色日本喵咪品牌的限定精品，等大家帶可愛貓星人回家。