fb人工智能 幫失明人士「睇」相

都市人生活，離不開各個社交媒體，每天一睜開眼，點都要拎起手機「碌一碌」，睇睇社交媒體平台有咩新post。官方數據話，有甚麼新post。官方數據睇到，網民每日喺社交媒體包括好似Facebook（fb）、Instagram（ig）等分享相片帖文超過20億，但大家有無諗過，普通人好容易做到嘅「相片分享」，對於失明或者視障人士而言，好難體驗得到。

睇到fb新消息，原來佢哋嘅工程師都留意到呢一點，噚日fb作出改變，推出突破傳統嘅自動另類文字（Automatic Alternative Text），即係利用物件識別技術掃描一張相，當大家透過iOS裝置瀏覽fb帖文，就會聽到相片內容嘅形容。唔同以前，大家「碌」過newsfeed有相片嘅帖文，熒幕閱讀器只會讀相片分享人嘅姓名，依家有咗呢項人工智能技術，讀到人名之餘，仲會聽到更多圖像描述，例如「影像可能包括三個人、展露笑容，在室外」等。雖然新技術只係初部階段，暫時只有美國、英國、加拿大等地用家可以聽到英文圖像描述，fb工程師話會繼續努力，將來係更多地方推出更多個語言版本。