澳門率先睇《百老匯奇幻秀》 天才女歌手 歌聲撼動人心

上星期獲邀到澳門銀河娛樂集團旗下澳門百老匯睇show，心入面估估下，打住「百老匯舞台」旗號嘅表演究竟吸唔吸引先？估唔到呢場《百老匯奇幻秀》優先預演唔止「好睇」咁簡單，全晚每個表演都吸引，印象最深刻包括，天才女歌手Katie Shepherd嘅歌聲。聽到Katie歌聲時，會feel到歌聲中的感動，「好catch到人心」，望望身邊觀眾就知道，大家都都被感動了。

表演途中，觀眾仲有機會去台上同表演者互動𠻹！原來前巴黎紅磨坊喜劇演員、神級笑匠Eric Boo唔只「放笑彈」了得，仲識得「導演」，呢一晚Eric個人表演之餘，仲請咗4位觀眾上台，教佢哋齊齊演出，台下面人個個笑得非常開心。

聽澳門銀河娛樂集團首席營運總監祁嘉杰（Kevin）講，由場地到表演內容都係世界級娛樂，「澳門百老匯的百老匯舞台，依照世界級知名表演場地傳統精心建造，絕對係精采表演娛樂中心，好適合舉行演唱會、舞蹈及音樂表演，同埋充滿驚喜嘅奇幻表演《百老匯奇幻秀》。」可以率先欣賞到呢場精采表演，真係不枉此行！

大家都想睇就要留意，《百老匯奇幻秀》即日起至5月19日公演，逢星期一、三至五及日下午5時，每日各演一場；星期六分別有下午4時及晚上7時兩場，普通區票價為澳門幣180元；貴賓區票價為澳門幣380元，包括澳門幣50元娛樂券。想了解更多，可瀏覽www.broadwaymacau.com.mo。