1.67億打造水上樂園 HIGH1度假村「唔只滑雪咁簡單」

呢排韓圜跌，個個姊妹都係facebook曬旅行相，羨慕死黛安，拿拿臨做下資料搜集，睇下嚟緊去韓國邊度好？公關姊妹認真係「及時雨」，約黛安食lunch之餘，原來順便帶我參加韓國觀光公社活動，聽HIGH1度假村主席咸承熙同佢班同事分享嚟緊「海陸空」玩樂之選。

HIGH1度假村位於江原道，有國際滑雪聯盟公認雪道，總長達21公里，鍾意滑雪嘅朋友都會聽過。最重要仲有「初學者都可以從山頂滑落嚟」，聽到呢句都有啲心動。不過雪季啱啱過咗，唔睇雪可以賞花，乘搭觀光纜車，可以直達1,340米山頂，睇風景同賞花肯定一流！鍾意刺激啲嘅活動？度假村附近嘅旌善可以玩空中飛索，高空望住山水風景，再滑下去，加埋速度，睇到相都覺得震撼。

「陸、空」玩樂景點有啦，「海」呢？原來好戲在後頭，品牌投資1.67億港元打造四季水上樂園，室外同室內位置合共超過77萬平方呎，最快2017年落成。試諗下，日頭去室外玩水，夜晚就返室內做spa，網址（http://goo.gl/VQgKyi）。