超模新人王雎曉雯 做L'Oréal Paris全球代言人

揀品牌代言人最緊要咩元素？L'Oréal Paris再次大膽選用中國臉孔，話畀你知，surprise好重要！品牌新聞稿第一句就問大家ready迎接「佢」未，「佢」就係西安女孩雎曉雯！隨便google下，呢位中國超模認真唔嘢少，出道短短日子，已經登上各大品牌時裝騷、各大時裝潮流雜誌更加不時有佢嘅蹤影。

原來佢有個暱稱叫「小怪物」，睇佢instagram就知唔係鬧緊佢，因為打扮、化粧到留言都睇得出佢嘅古靈精怪。唔連品牌環球品牌總監Cyril Chapuy都大讚佢個性懾人心神，仲話小妮子有奇妙天賦可以成功聯繫每個年輕人。雎曉雯就話：「加入L'Oréal大家庭，實在叫人興奮！」仲話已經急不及待，想向全世界分享自己嘅創作同所思所想。