樂意扒房3月18日講再見

有「名人飯堂」之稱的樂意扒房，捱過沙士、撑過佔中低潮期，最終不敵加租，要「說再見」，令人唏噓。

記得舊年喺《晴報》睇到灣仔「名人飯堂」樂意扒房宣布將結業，黛安去食飯時都會同佢哋「打探消息」，問「可以做到幾時？」個幾月前，經理仲話可能三、四月，點知咁快就收到最新消息，3月18日我哋終於要同42年歷史嘅樂意扒房告別。

老闆楊氏三兄弟對餐廳同食客深感不捨，特別計劃喺最後營業嘅時間，為大家送上一份「甜蜜憶記」。三月開始，幫襯樂意扒房，會送一份經典甜品，黛安打電話問過，佢哋話會日日唔同，保持神秘，等大家有少少驚喜。