項明生加盟華誼兄弟 做香港區總監

前日遊戲開發商智傲控股（08282）掛牌上市創業板，項明生（James）宣布辭任行政總裁一職，轉做非執董。黛安聽James講，佢已簽約內地最大娛樂經紀公司「華誼兄弟」，擔任娛樂及旅遊事業部香港區總監。James告訴黛安：「2013年尾辭任Sony董事時，已經打算退休，專注旅遊同寫作。兄弟（智傲老闆施仁毅）叫到，我就即管幫下手，用自己人面同關係，傾啲日本IP返嚟，例如Sega創造球會等。兩年係我目標，依家智傲成功上市，我就功成身退。」

黛安知道，James對旅遊熱情未減，宣布簽約華誼兄弟，成為旗下首個簽約旅遊達人的同時，佢仲會兼任香港區總監，負責打造網上旅遊內容。

日前，華誼COO一行人來港，James請埋一眾老友包括旅發局總經理梁美寶，仲有一班旅遊美食界名人李純恩、查小欣、盧覓雪、杜如風、May姐馮美基、少年食神Michael、胡慧沖、謝茜嘉等，一邊宣布新動向，一邊誠邀大家為華誼拍攝網絡旅遊節目。