梅媽離世丨梅啟明孖二奶現身 揚言姪仔「冇資格同我爭」 要為母風光大葬考慮申禁制令

梅艷芳媽媽覃美金昨日（8月30日）離世，享年 102 歲。其兒子梅啟明下午偕二奶現身趕到灣仔律敦治醫院送別母親，之後接受傳媒訪問，除了質疑姪仔有否妥善照顧老人外，又揚言會用梅艷芳信託基金為母風光大葬，更不排除稍後考慮申禁制令，指兒子與姪仔親疏有別：「孫就係孫，仔就係仔。」

梅啟明孖二奶現身 聲稱透過傳媒才知梅媽死訊

梅啟明昨日下午孖二奶趕到灣仔律敦治醫院，之後會見傳媒時指自己約下午1時許才透過傳媒獲悉母親死訊。他又透露已2年沒有見母親，之前一直有透過工人姐姐知悉母親狀況，惟後來「佢（姪仔）炒咗本身個護士，封鎖晒所有消息」，令他完全不知母親的情形。另外，梅啟明又質疑姪仔未有妥善照顧母親：「如果真係對阿媽好，唔使今日阿媽咁，老人家走咗先嚟共咩識。」

揚言姪仔「冇資格同我爭」

談到梅媽喪事安排，梅啟明指自己作為她唯一的兒子，理應全權負責:

根本就是要我去處理的。我是她唯一的兒子，兩個妹妹都走了，弟弟都走了，是不是這樣說呢？ 我不處理，還有誰去處理呢？

雖然梅媽生前曾登報與他脫離母子關係，梅啟明否認母子關係已斷:

冇斷唔斷絕，一世阿媽就係阿媽，邊啲人搞咁多嘢出嚟心中有數。今日主要係阿媽安息。

堅持為母風光大葬 1情況會告上法庭

梅啟明又指由於要為母風光大葬，因此將會向向基金拿錢。聲稱又做園藝工作的他，又指有不少別有用心人士想動用基金。當記者追問哪些人立心不良，他續指：「有屋企的人，阿梅身邊的人又有。」梅啟明又強調若向梅艷芳的基金申請不到金錢就會告上法庭告到底。

揚言考慮申禁制令: 孫就係孫，仔就係仔

對於梅媽生前好友潘小文向傳媒透露梅媽一早已經立好遺囑及安排自己的後事，梅啟明之後再回應傳媒時，顯得不屑一顧，強調潘小文冇權去處理任何嘢，又指「 孫就係孫，仔就係仔」。當問到姪仔會否私下處理喪事時，梅啟明顯得更為激動，除了強調對方「佢冇資格同我爭」外，又指將搵律師發禁制令。