鄧兆尊｜父母打爭產官司戶口被凍結 鄧兆尊憶曾為父籌$1900萬醫藥費 見盡人情冷暖：壓力大到鬼剃頭

現年59歲的鄧兆尊作為粵劇名伶新馬師曾之子，一直以來因家境富裕，常被外界標籤為「二世祖」，認為他一生衣食無憂，更有閒錢照顧3位紅顏知己。不過，他日前接受著名DJ顏聯武的YouTube頻道「顏式生活」訪問時，卻大吐鮮為人知的苦水，坦言自己亦曾經歷過為錢奔走、壓力幾近崩潰的日子，亦見盡人情冷暖。

同場加映：

{{hket:ul-video id="12655"}}{{/hket:ul-video}}

父母打爭產官司 戶口被凍結

鄧兆尊在訪問中憶述，當年父母因爭產官司鬧得滿城風雨，家庭成員的生活亦因此大受影響，陷入一片混亂。由於父母當時的銀行戶口遭凍結，作為家中長子的他，既要肩負起處理家庭日常開支的責任，更要同時面對父親住院近200日的高昂醫療費，高達1,900多萬元。他回憶道：

當時家庭事件，兩位主人翁打官司時嘅銀行戶口係lock晒，我係長子，要撐住處理家庭日常開支，加上我爸入咗醫院，當時我亦無咁多現金，你知唔知我爸出院時，要找幾多醫藥費？係1900多萬，當時每日瞓醒睜開眼，就要去撲20萬為一星期醫藥費找數，因為醫院唔會俾你拖咁耐數。

鄧兆尊表示，當時他既要一邊拍劇，一邊撲錢，又要頻繁應對狗仔隊追訪，更要隨時接聽醫院突發來電。每當收到父親病況不穩的消息，他便要即時放下手頭工作。

醫院一打嚟，我著住古裝衝去醫院。呢啲日子難捱，仲維持咗兩、三年。每日出門又有兩三間狗仔隊等住你，答唔晒啲問題你行唔到出去。

鄧兆尊曾壓力大到鬼剃頭 3兄妹賣樓套現

為了籌集這筆高昂的醫藥費，鄧兆尊幸而有弟妹共同分擔面對難關，最終選擇變賣各自物業套現。他感慨表示：

嗰時我同細佬妹各人都買咗層樓，唯有放晒三層樓，先剛剛夠cover醫院條數，亦好彩當時賣得出，否則就煩。我當時壓力大到出現鬼剃頭，甩頭髮。

回首這段充滿辛酸的往事，鄧兆尊指自己亦從中看清了現實的另一面，感悟到人情冷暖：「不過嗰段日子都睇到好多嘢，睇到好多人情冷暖，有班人喺我患難時，真係伸出援手。」