邵珮詩媽媽外形比女兒更年輕 維他奶創辦人後代生活貼地簡樸

現年34歲嘅港姐冠軍邵珮詩近年不時分享同媽媽嘅溫馨合照，日前佢分享同媽媽「約會」嘅相，相中嘅伯友後生出「新高度」，睇落誇張到似邵珮詩嘅妹妹，唔少網民都大讚，仲問媽媽有冇自己個人社交平台！

同場加映： 母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？

{{hket:ul-video id="10637"}}{{/hket:ul-video}}

邵珮詩post出同媽媽合照，相中見到二人食完「港女」甜品之後，再去茶記食常餐，非常貼地。而二人拍埋一齊更加係似朋友多過母女，雖然filter有幫到手，但霎眼睇媽媽誇張到睇落比女兒更加年輕，身材亦keep得好好，好有少女味！唔少網民都留言大讚媽媽：「看似年紀跟你差不多。」、「你媽媽有無ig呢？」、「媽咪好年輕！」

{{hket:inline-image name="6.jpg"}}{{/hket:inline-image}}

邵媽媽曾經接受訪問大談凍齡保養之道，邵媽媽本身是健身教練，早年跟丈夫在溫哥華開設健身中心，還親授修身運動及康復治療。邵媽媽說隔日會做運動，除咗跑步，會玩划艇機及做輕巧式舉重，舉兩個水樽。早年移民到加拿大嘅邵媽媽習慣當地生活，出外都以踩單車及跑步代步，非常健康。

邵珮詩自小在加拿大溫哥華長大，精通粵語、英語、國語、日語、潮州話，並於溫哥華名牌西門菲莎大學心理學系畢業，與同是港姐冠軍的陳凱琳是校友。2014年參選香港小姐競選，因身材豐滿被睇高一線，以大熱門姿態橫掃「冠軍」、「最上鏡小姐」及「友誼小姐」3個獎項，是繼徐子珊後相隔10屆的「大滿貫三料冠軍」；2015年代表香港出戰國際中華小姐競選獲得亞軍。邵珮詩家底豐厚，太爺邵蔚明是維他奶公司的創辦人之一，但佢指爺爺退休後家族再沒有接管維他奶生意，自稱只是中產。

圖片來源：Instagram