Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力

MIRROR 成員邱士縉（Stanley ）、邱傲然 （Tiger）、Alton （王德智）、陳瑞輝（Frankie）和楊樂文（Lokman）即將與ERROR攜手在《Katch The Pop 2024》音樂會演出，到時更有機與韓國著名歌手鄭秀妍Jessica同台演出。兩隊男團施展渾身解數落力演出，作為香港代表不失禮，事前兩隊人都會緊密排練，而且為表誠意，由韓語擔當Alton教大家一些韓文方便與Jessica溝通。

{{hket:ul-video id="10593"}}{{/hket:ul-video}}

{{hket:inline-image name="DSC04526.jpg"}}{{/hket:inline-image}}

{{hket:inline-image name="DSC04547.jpg"}}{{/hket:inline-image}}

為了宣傳這個音樂會，日前眾人接受訪問，當天ERROR的成員郭嘉駿（193）和吳保錡缺席。眾人表示演唱會上，能與國際女歌手鄭秀妍（Jessica）合唱都表示驚喜，還十分期待演唱會。到時音樂會上，各人以不同形式的合唱。Stanley表示除了有個人演出外，眾嘉賓都會有不同形式組合表演：「每一部分都會有主題，歌手都會貼合番主題表演，所以前後都有唔同組合出現。」Tiger亦表示：「一個好好機會試新嘢，對我哋嚟講，係估唔到有咁嘅機會，而且第一次同韓國前輩合作，睇下可以擦出咩火花。」

{{hket:inline-image name="000.jpg"}}{{/hket:inline-image}}

{{hket:inline-image name="0.jpg"}}{{/hket:inline-image}}

為表誠意，MIRROR和ERROR成員都會學一點韓文打招呼，而識韓文的Alton成為擔當，教大家一些簡單打招呼句語，但眾人相信，到時多數跟Jessica以英文和身體語言溝通。今次主題為「K-pop」，梁業（肥仔）稱中學時代，經常睇韓國女團，亦有睇不少Jessica演出片段，所以深受影響熱愛這類型音樂，到時很期待跟前輩合作。

何啟華（Dee）笑言想認真來一次跳唱表演，但要跳女團舞步，實在有點難度：「都好擔心，我仲未係好接受到跳女仔舞，單係一字馬都搞唔掂，嗰啲表演狀態好難拿捏，太投入變得核突，太抽離又唔夠齊整。到時綵排畀大家望下，會唔會唔舒服，要平衡力度，太搞笑又唔得。」

{{hket:inline-image name="0000.jpg"}}{{/hket:inline-image}}

MIRROR最近為演唱會去世界各地巡迴演出，12子都累積舞台演出經驗，ERROR的何啟華在現場突然問：「你哋可唔可以唔好表現得太好？表演係一個狀態，你哋keep住喺舞台表演狀態，反而我哋error 有壓力，一下子要pick up，我有壓力。」楊樂文笑言，大家已經不是第一次合作，都已經有默契，到時綵排大家都會互相「照顧」：「我哋會互相踐踏同互相督促，通常靠鞭策、踐踏而提升我哋關係同埋能力。」

寡言的邱傲然，就繼續做善良的隊員：「今次我角色都係做番潤默無聲嗰啲，喺後面掩護，唔出聲幫到幾多就幾多…。」至於陳瑞輝就謂如果隊友有需要，必定會幫手，在能力之內會解答問題。何啟華完全明白對方意思，則笑謂大家都喜歡在逆境中成長，為了大家都有好表現，會創造逆境給對方。