2014年港姐亞軍丨王卓淇自爆內地拍劇人工奀過TVB 與前無綫男藝人合作密食當三番

2014年港姐亞軍王卓淇（Erin）於2021年宣布離開無綫，轉戰內地發展，努力經營抖音及小紅書，不時在網上開直播及唱歌。王卓淇近日拍攝分享拍攝內地短劇的經歷，大爆在內地拍短劇人工比TVB更低，更自揭在TVB時期的人工。

同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣

{{hket:ul-video id="10464"}}{{/hket:ul-video}}

內地近年流行短劇，每集片長只得一分鐘左右，王卓淇近日首次拍攝短劇，原來是同屬前TVB藝人的何君誠有份投資。她大讚拍短劇好玩，不過人工卻相當麻麻。

{{hket:inline-image name="9.png"}}{{/hket:inline-image}}

{{hket:inline-image name="6.png"}}{{/hket:inline-image}}

王卓淇大爆：「大家成日話TVB嘅收入唔高，喺香港嚟講係唔高，但係同內地短劇比呢…其實係OK㗎喎。因為呢度嘅成本係幾百蚊一集㗎咋，由幾百到幾千，（如果）你（係）好紅嘅短劇演員，都係幾千蚊一集。除非你係一線呀，可能會有一、兩萬一集，但係一般都係幾百蚊一集嘅啫。所以TVB都有一千、幾千一集，呢度（內地）仲低囉！唔係最差㗎其實TVB，平反一下先。」

{{hket:inline-image name="7.png"}}{{/hket:inline-image}}

不過，王卓淇大讚拍攝短劇非常輕鬆，就算拍攝時講錯對白，也可用後期剪接處理，不用像TVB劇般重新拍攝該場口。而且，拍攝一部短劇，最快只需六日便完成：「拍一套港劇至少三個月，我相信好多內地劇都係拍三個月到半年，但係佢哋（短劇）係可以六日拍完一套，好犀利，有90集！當然一集得分零鐘，但係效率好勁！」

{{hket:inline-image name="2.png"}}{{/hket:inline-image}}

王卓淇曾自爆離巢無綫是因為沒有錢，大爆自己在TVB第一個月薪水只有7千元，坦言不夠生活，租屋吃飯都成問題，直至離巢時，人工才升至1萬多元。不過，王卓淇本身家境豐裕，爸爸在內地擁有超過50萬呎的廠房，身家過億；王卓淇自己在香港及內地也持有物業，又不時手持名牌。

撰文：娛樂組
圖片來源：小紅書、IG