愛回家丨張景淳屋邨開大型健身室眾星齊撐 預告復操做生招牌：今年Po大隻佬寫真

張景淳（Stanley）再做老闆，今日以投資者身分為石圍角邨的大型健身室主持開張儀式，好友翟威廉、彭慧中、羅天宇、周志文、李興華、栢天男、沈震軒、阮嘉敏、陳懿德及陳廷樹都有到賀，場面非常熱鬧。Stanley趁正月十五，向在場的賓客大派利是，人人都多謝「張老闆」，夠晒威威！

{{hket:inline-image name="IMG_0063.jpeg"}}{{/hket:inline-image}}

在《愛回家之開心速遞》中，Stanley飾演的角色龔燁都曾經做過健身室老闆，沒想到真的假戲真做變成真。健身室開張，不過Stanley就以西裝斯文打扮現身，他透露今次是健身室的第三家分店，投資金額高達7位數字，主要花費在租金、器材及裝修。他表示幾家健身室都選址屋邨位置，正正是希望遷就區內的居民，希望大家可以齊齊投入做運動。「暫時好好彩而家係第三間，嚟緊粉嶺開第四間，主要由屋邨做起，因為屋邨未必有Club House，但都希望佢哋體驗做Gym個體會好似去銅鑼灣、尖沙咀咁，一樣有好靚、好舒服環境，一樣有好好嘅專業教練。」

Stanley希望自己以身作則做「生招牌」，不過反而現時是體重的人生高峰期，「我上年冇乜做Gym，大部分時間唔係拍《愛回家》，就係上深圳做生意，所以真係要操番個身形，再唔勤力啲操番就真係做唔到生招牌。而家體重係人生顛峰，我冇刻意去上磅，不過皮帶扣就扣到最鬆一個窿。我相信初初入《愛回家》著嗰批衫同褲，而家應該著唔番，雖然而家一直拍緊，幸好個樣唔夠個身肥得快，呃得下人。」Stanley自爆2020年為拍劇要除衫，努力操到最弗狀態，但由於過程太刻苦，一完成該場戲就放任式放肆狂食，「我出完鏡好開心，拍完最後一場行去公司間便利店就即刻買雪糕食，諗住可以放鬆一下，但衰就衰在個腦太想放鬆，嗰日開始每日食一杯雪糕，食足半年。」

{{hket:inline-image name="Part5_003.JPG"}}{{/hket:inline-image}}

{{hket:inline-image name="Part5_002.JPG"}}{{/hket:inline-image}}

Stanley表示去年上深圳做飲食生意，無論是減壓還是研發新產品，食量大增，令體重難以控制。「我答應Fans，希望半年內操番起碼見得人，（IG曬朱古力寫真？）冇問題，2024年內交貨。」至於飲食生意，Stanley表示早前「TVB盃」，他跟羅天宇及李興華為慈善一齊整自家品牌的雞蛋仔，大受歡迎，令他們都打了一支強心針，今年有意將品牌「OH LIKE」引入香港，但未必是開店，反而可能將冷凍食物生意開拓香港市場。雖然生意多多，但Stanley重申自己主業是拍劇，副業只是趁拍攝空檔的時間才會兼顧，希望《愛回家》劇情可以繼續多多發展。

撰文：娛樂組