愛回家丨張景淳獲放生回家因故甩底宣傳 周嘉洛將開正劇快將再暫別組劇

《愛回家之開心速遞》選擇今日冬至作為宣傳日，一眾主要演出都有出席，雖然天氣嚴寒，加上電視城寒風凜冽，不過周嘉洛一於少理著短褲示人，認真夠勇。較早前被踢爆已低調重返劇組的張景淳，原本宣傳活動名單都有他，不過最終景淳就未有露面，而活動上，滕麗名大爆周嘉洛快將「出組」，亦代表「金城安」將暫別《愛回家》。

同場加映：新聞女王丨李施嬅被斷錯症眼睛開手術後回不去 無奈接受被嘲整容：打坐學感恩

{{hket:ul-video id="9796"}}{{/hket:ul-video}}

萬千星輝頒獎典禮丨周嘉洛張振朗望拍BL劇三角戀 阮浩棕吳子冲兄弟「撕殺」爭兩獎【下一頁】

{{hket:inline-image name="IMG_1623.jpeg"}}{{/hket:inline-image}}

{{hket:inline-image name="IMG_1629_600.jpg"}}{{/hket:inline-image}}

張景淳離開劇組接近半年時間，龔燁終於獲安排「回家」，不過今日未有出席宣傳活動，劇中「老婆熊若水」呂慧儀表示：「佢其實返咗嚟一段時間呀喇，一路拍緊，不過冇特登去講，保番番少少神秘感畀觀眾，大家追睇睇下佢幾時出現。（被劇透？）好開心大家睇得咁肉緊，又咁關心我哋《愛回家》演員，不過佢今日病咗，流感高峰期，大家都唔想之後影響拍攝進度，所以宣傳日就鼓勵佢休息下，快啲好番再繼續拍攝。」

{{hket:inline-image name="IMG_1622_600.jpeg"}}{{/hket:inline-image}}

{{hket:inline-image name="368137876_972383837352703_5582965732721976097_n_600.jpg"}}{{/hket:inline-image}}

愛回家丨小紅書花絮洩密爆龔燁「回家」 張景淳相隔近半年終於重返劇組【下一頁】

活動上，滕麗名踢爆周嘉洛快將再次暫別劇組拍正劇，嘉洛即時扮傷感拭淚，不過事後他接受訪問說：「啱啱先收到通知，詳情唔係太清楚住，只知要開工同要打，幾時《愛回家》要請假，請假幾耐都仲未知，不過應該就唔會兩邊兼顧，怕咁樣影響質素，公司都希望我專心投入拍好先！（影響《愛回家》收視？）我冇特別留意，不過有新角色機會，都希望可以好好挑戰自己。」

{{hket:inline-image name="IMG_1626_600.jpg"}}{{/hket:inline-image}}

提到今次正劇將要有武打戲份，嘉洛表示都要努力「練武」，「其實我好期待，一直都想拍打戲，之前《羅密歐與祝英台》咁多打鬥，點知我係醫生，揸聽筒多過揸槍。而且《痞子殿下》我演病壞咁，《痞子無間道》以為好勁啦，點知又係搞笑，《寵愛Pet Pet》又係斯文種類，所以我好期待今次。而家會努力操弗自己，瘦晒喇我，唔知係咪年紀大，新陳代謝好慢，而家我四肢瘦晒，人生仲第一次有肚腩仔，食嘢唔可以好似以前咁放肆！」提到《萬千星輝頒獎典禮2023》角逐視帝，周嘉洛揚言今次是陪跑，「我自知能力未到，好多勁人排住隊攞，我慢慢增值自己先，我睇好張振朗！」至於為何7度低溫，嘉洛選擇著短褲出現？他笑言：「戲服嚟嘅，以前《愛回家》我都係長褲，而家換晒短褲，因為吳旺達相對較熱地方，今日廠景啫，如果外景我就著絲襪！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組