入行十周年｜余德丞被老友爆私生活混亂？ 阿正力勸飲少啲酒：對身體唔好

余德丞（Dickson）在2年前離開TVB後，主力做YouTuber拍片，亦有擔任叱咤903《口水多過浪花》客席主持。好友董敬文早前為賀Dickson入行十周年，專誠找來多位曾與他合作的前輩及好友做訪問，其中有好友竟然大爆Dickson私生活混亂？

{{hket:inline-image name="76.png"}}{{/hket:inline-image}}

首先出場的是曾與Dickson主持多個體育節目的鍾志光，他說：「我同佢旁述咗唔知幾多場賽事，又做過奧運。好多賽事都同佢一齊做，佢好犀利，話唔做就唔做，就飛甩我。原來佢搵咗Do姐合作，咁梗係要飛甩我啦！計我話Dickson係叻仔嚟，搵Do姐好嘢！你見佢除咗主持體育節目，拍劇都得。我同佢合作過《青春不要臉》，真係多才多藝！希望佢唔好嘥咗自己，唔好只係匿喺電台，有機會返嚟玩吓！」

{{hket:inline-image name="876786786.png"}}{{/hket:inline-image}}

至於譚玉瑛亦有講述對Dickson的睇法，「我認識Dickson係喺《香港原味道》，當時同佢做拍檔就好羨慕佢，佢會忽然同我講話之前三日去咗一次美國（Dickson更正為英國）去睇一場波，然後食個晚飯就飛返香港。我話你真係好有魄力，要做到唔單只係自己想，仲要夠年輕、要有經濟能力支持你咁做。」

她又大讚Dickson，「我自己覺得佢幾自我、有自己嘅風格，亦都係一個有禮貌嘅人，對長輩非常好。同佢工作相處嘅時候，佢有禮貌又唔會逞強，唔識嘅唔會夾硬講，而識嘅會盡量發揮，同埋敢作敢為。」

{{hket:inline-image name="75675.png"}}{{/hket:inline-image}}

Dickson表示自己在《香港原味道》與譚玉瑛合作得最多：「阿譚見識好多，所以我係向佢學嘢，做人一定要有禮貌，覺得同佢合作同鍾Sir有啲分別。同鍾Sir學到更加傾向擔當司儀方面，但係同譚玉瑛學習會聽得到、學得到更多。最後亦不忘賣口乖：「我入行差唔多10年，好早期就識佢哋，佢哋個樣越嚟越後生！」

而好友何雁詩就覺得Dickson又寸嘴又成日遲到，又成日以為自己好靚仔，「不過其實佢係一個好直接嘅人嚟嘅，佢只係有真話冇假話，係呢方面我覺得佢係一個大好人嚟。佢好飲得同埋劈得囉，成日爭住支咪唱K 。」

而DJ阿正就大爆Dickson「私生活混亂」，「佢有時懶搞笑，優點係細心，佢係女人嗰隻細心。據我所知，佢私生活係好混亂，混亂係指夜瞓啫，佢生活作息好混亂，夜瞓係比較差，但係其他時間佢又好規律。佢同一、三、五做gym，二、六踢波，永遠都要跟schedule行。同埋好多人有嘅正常生活技能佢都冇，例如佢唔識煮飯，換床單佢都唔識，佢冇換過床單好離地。如果抌低佢一個人喺屋企入面，佢一定會蛀蟲至死！」阿正又勸好友飲少啲酒，早啲瞓覺，「因為都幾危險，對身體唔好。」

{{hket:inline-image name="98789678.png"}}{{/hket:inline-image}}

而Dickson就指自己真係冇換過床單，「笠入去我係識嘅。但係係酒店級嘅整齊，我梗係唔識啦！我法國exchange都冇換過床單淨係瞓嗰張床單，我有潔癖帶唔緊要，反正都係自己瞓。」

問到他自豪嘅家務係咩？「係吸塵、掃地啦，抹窗同埋洗車。洗車係我自己洗，如果唔係就出去出去俾人打蠟。如果話俾工人洗定係自己洗車，我一定係自己洗；同埋波鞋全部都喺我自己洗。」而董敬文笑言：「佢仲可以揀自己洗，定係工人洗，你真係冇得頂。」Dickson就表示：「請個工人返嚟唔使佢做，我洗番。」

撰文：娛樂組

圖片及內容來源：余德丞YouTube