梁芷珮曬20年前結婚相網友震驚 解鎖新旅遊國家浪漫睇日落

「旅遊達人」梁芷珮（Christy）近年密密飛，除了拍攝旅遊節目外，還為自己開設的旅行社帶團，忙過不停。近日她陪家人度過熱鬧的農曆新年之後，再次出發拍攝新一輯的《潮什麼》系列旅遊節目。今次出發前她大賣關子，叫大家估一估今次她從未去過的目的地，不少網友都勢估唔到原來今次他們拍攝的是沙地阿拉伯！

{{hket:inline-image name="428681416_18414763195024867_8695594106701538512_n.jpg"}}{{/hket:inline-image}}

羽田機場撞機│梁芷珮安全到著叮囑旅遊港人注意 林日曦滯留大讚有秩序：冇人Lur地【下一頁】

Christy每次都是跟丈夫Kenneth結伴出發，Kenneth充當攝影師，Christy是主持，二人組合之下拍攝出多套《潮什麼》節目都大受歡迎，帶觀眾大開眼界。今次他們首次到訪沙地阿拉伯，非常興奮在IG分享他們的行程景點，Kenneth一向是C朗的粉絲，今次知悉C朗在當地踢波，即時撲飛捧偶像場，幸好C朗有出場，而且有不錯的表現，Christy拍片時都將C朗的英姿拍下，更見識到他入球，非常珍貴的時刻。Kennth在當地搞笑扮「油王」，又跟Christy在懸崖睇日落，兩公婆認真夠晒浪漫。

《潮什麼》主持｜梁芷珮為餅印「弟弟」慶祝生日 童顏家族逆齡基因強：估吓佢幾歲？【下一頁】

{{hket:inline-image name="428609209_18296139439158099_530468656757590851_n.jpg"}}{{/hket:inline-image}}

原來昨日是Christy同丈夫Kenneth的結婚20周年大日子，Christy更首次分享兩人的結婚相，她說：「見今日係我同黎大叔結婚20週年（冇錯，係已經結婚20年）比（畀）張從未公開過嘅絕密婚照大家欣賞下！想當年仲係20歲出頭嫩口嘅我哋，駝住Brendan ，傻下傻下，好鐘意大家，話結婚就結婚，一跟就跟咗佢20年喇！好彩，20年日日夜夜對住佢，都仲未覺得厭（可能佢比（被）我煩到麻目（木）咗）
希望你繼續比（畀）我keep住煩你多更多嘅20年！Happy 20th anniversary my love, my friend, my colleague,my soulmate, my everything!!」該張結婚相見到當年只有21歲的梁芷珮，充滿少女味，雖然已隔20年之久，不過她都是添成熟味「凍齡」冇變化，網友們都大為震驚，大讚她靚足20年。「差唔多樣啫、ok喎」、「點解20年後可以型咗又靚咗」、「講真嗰句其實個樣冇乜點樣變keep得得幾好」、「食開咩野防腐劑？」、「嘩，第一張婚紗相上個月拍啲，珮珮妳玩嘢」等等，而部分人笑指Kenneth廿年前的樣子，跟大仔Brendan而家勁似樣，果然基因強勁！

撰文：娛樂組