梁芷珮爆女兒愛追星恨遊日韓：佢想去搵BLACKPINK

旅遊達人梁芷珮（Christy）今日在丈夫陪伴下出席「三城共讀、以書會友」交流發布會，同場還有資深旅遊作家項明生。早前剛由南極拍攝旅遊節目返港的Christy，透露稍後會帶團飛往非洲和希臘，兩地分別逗留8日和10日，她表示：「今次得我同老公帶團，團友係我嘅fans，我上次去瑞士都有帶仔女去，但今次佢哋要返學就去唔到。」

同場加映：法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

{{hket:inline-image name="DSC_1219.JPG"}}{{/hket:inline-image}}

Christy兩夫婦於19年開設旅行社，但因撞正疫情而暫停運作，如今各地旅遊業已運作如常，Christy亦可以重啟旅行社業務，她直言會邊學邊做，期間又忍不住大呻：「啲機票好貴呀，好難頂㗎！（賣節目畀無綫都回晒本？）唔係㗎，我哋好努力做嘢㗎，OK咁囉！都多嘢搞嘅，我自己剪到片就可以慳番啲，如果交畀人剪都有製作費支出。」Christy又透露欠無綫兩個《潮什麼》系列的旅遊節目，包括要去南北極和瑞士，她稱：「南極已經去咗，北極嚟緊9月去，瑞士仲計劃緊，真係好幸運可以周圍去，係會有啲攰嘅，有時喺自己張床起身，都要諗吓自己喺邊到，之前去南極好大浪，我喺屋企起身去廁所要扶住牆。」

{{hket:inline-image name="DSC_1256.JPG"}}{{/hket:inline-image}}

Christy希望撞正假期可以攜子女同行，問到三名子女最想跟媽媽去哪兒？Christy表示︰「佢哋成日話想去日本同韓國，個女好鍾意K-pop，佢想去搵BLACKPINK，又話想去BTS Café追星，依家啲妹妹仔都係咁，但我唔太熟悉日本航綫。」

{{hket:inline-image name="DSC_1262.JPG"}}{{/hket:inline-image}}

撰文：倪小珊

採訪：梁紹明

攝影：林良明