方健儀帶兩老飛澳洲坐頭等艙 一舉動網民讚爆 男藝人羨慕：我窗都冇

前新聞報道員方健儀轉型自由身工作者之後，一直都活躍社交平台，熱愛跟網友們分享她的工作及生活日常。近日，方健儀趁工作空檔時間，特別與丈夫洪楚恆帶埋「兩老」一齊飛澳洲旅行，沿途都有分享旅程中的靚相，雖然澳洲正值炎夏，不過仍然玩得非常盡興開心。而方健儀分享父母獲驚喜升級至頭等艙的經過，不少網友讚方健儀的一個舉動夠晒貼心和孝順。

{{hket:inline-image name="428633332_942995300515799_8034239307832480764_n.jpg"}}{{/hket:inline-image}}

{{hket:inline-image name="428619912_942995257182470_2901852877977825555_n.jpg"}}{{/hket:inline-image}}

{{hket:inline-image name="428619504_942995267182469_9064658226068882845_n.jpg"}}{{/hket:inline-image}}

方健儀舉家抵達西澳，即時到訪著名景點「尖峰石陣」（The Pinnacles），一片沙漠感覺的地帶，她整古做怪擺晒甫士影相，幸好老公樂意充當攝影師，為一家人留下紀念。「西澳昨日攝氏36度，同兩老嘅興緻一樣高溫。必到景點：尖峰石陣 The Pinnacles！上次洪生與我黃昏來，今次同兩老試下中午來。咁好嘅天氣，點影都係靚（我個人除外）。根據上次經驗，去The Pinnacles記得唔好著earth tone顏色，同埋可以帶條鮮色大巾去玩吓，要來揈又得，要來攬住當裙又得，要來遮太陽又得，得咗。」

陪長輩去旅行，最重要是他們舒服，尤其是長途機，方健儀就分享父母在頭等艙的照片，兩老都笑得非常開心，而且環境寬敞夠晒舒服，她留言說：「兩老得到嘅超級極之十分大大大嘅surprise，就係upgrade到·頭·等·呀！大癲呀!!!!佢哋本來對頭等冇乜概念，只係知個位闊啲大啲。直至上到飛機，見到兩個方生都坐得落嘅位，簡直心花怒放，方太話好似中頭獎咁。洪生同我就得個恨字，心裡不禁問：『姐姐，姐姐，仲有冇多兩個頭等位呢？』環顧頭等艙已密籠，我影咗相當坐咗，冇咩事我都係過返艙陪洪生食個飛機餐先。同父母去旅行，最緊要佢兩個開心，希望為佢哋期待已久嘅西澳旅程開個好頭啦！」其實有兩個頭等艙位置，方健儀大可以跟丈夫坐，不過就乖乖讓給兩老享用，非常乖女，而且打完張卡就圓了心願，相當可愛，不少網友都留言大讚，「孝順女！抵讚！方爸爸和方媽媽真幸福！」、「隔住個mon都覺得兩老好開心，都係你叻女！」、「好羨慕你嘅父母有個咁孝順嘅女兒」、「健儀，你真孝順，長者坐長途機要有多啲位伸展吓，所以你比（畀）兩個靚位佢哋坐，係明智之舉！」等等。

不過有位男藝人就大表「葡萄」，喬寶寶分享影片並留言說：「你哋又(就）好啦，可以坐頭等，我坐經濟客位窗口位仲要冇窗！」片中喬寶寶在座位的旁邊正正是沒有窗的位置，見他扁扁嘴，難掩失望的心情。

{{hket:inline-image name="bobo1.jpg"}}{{/hket:inline-image}}

{{hket:inline-image name="bobo2.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組