方健儀拒網友提議扮阿儀唱歌 被嘲「方面」身同感受：唔好笑

方健儀在本報專欄「破天『方』」分享到近日城中熱話的「林婆婆」和薛影儀新歌，對於社會認為的「笑料」，在她眼中有不一樣的感受，「林婆婆同阿儀嘅事，我亦有份笑，頭幾次睇哈哈大笑。但之後再睇，設身處地諗諗，其實未必好笑。」她認為林婆婆聽不清楚問題是聽力退化的問題，難免擔心長者誤墮電話騙案，而她雖然未太了解到阿儀的背景和動機，但她曾經被嘲笑過而身同感受，希望大家可以嘗試循另一角度去睇這些「笑料」。

同場加映：

邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

Boxing Day新樓開箱丨方健儀童年情意結擲1850萬購柏傲莊三房單位 收樓視作聖誕禮物：順著「緣」字走【下一頁】

{{hket:inline-image name="EDF79176-11F5-474B-9742-852A3BF1076A.jpeg"}}{{/hket:inline-image}}

{{hket:inline-image name="RTHK6_600.jpg"}}{{/hket:inline-image}}

{{hket:inline-image name="YEE.jpg"}}{{/hket:inline-image}}

方健儀昨晚就住今次的話題開直播跟網友們一齊討論，她表示：「林婆婆聽唔到，不斷被糾正都係接收唔到，我同爸爸媽媽講呢件事，佢哋話：『老人家聽唔到係好恆常嘅事，有咩好笑呢？』我相信大家唔係有惡意或者恥笑佢哋，只係睇片覺得好歡愉，但係咪應該諗多層，老人家聽力唔好，其實引發好多問題，好多騙案都係扮仔女急要錢，有時情急之下真係未必聽得清楚。」

至於阿儀，方健儀坦言身同感受，提到入行做主播後被改花名，令她非常生氣，她說：「好多人由細到大都被人叫肥妹、肥仔，我細個冇被人欺凌過，可能個樣生得好強，直至29歲入做電視台就係我被取笑嘅日子。我一向都強調自己唔係一個靚女，做幕前工作開始被評頭品足，睇討論區冇人話我訪問成點，但就笑我方面。其實我真係方面似爸爸，骨架比較大少少，幕後同埋班同事都會笑，但我真係好唔鍾意被人叫我『方面儀』，咁樣好唔尊重我，亦唔尊重我個名，方健儀呢個名係我爸爸媽媽賦予畀我，唔好以為係講笑，我唔覺得好笑！」

馬鞍山大姨媽︳方健儀挑機林青霞扮東方不敗 冇專業形象包袱扮乜都得：我話事【下一頁】

方健儀認為方面是她的特徵，應該接納及尊重，曾經有美容公司向她推薦V面療程，她都沒感興趣，因為她早已認定「方面」成為她的標記，當網友追問欺凌她的是否袁志偉或黃應士，方健儀說：「冇喎！托賴咁多年來，我老闆緣都算幾好，打過三份正規工作，三個老闆都對我唔錯，我入TVB太遲啦，當時黃應士已經離開TVB，我無緣向佢學嘢！」

{{hket:inline-image name="323409835_3491669114401824_5248966135290791096_n.jpg"}}{{/hket:inline-image}}

{{hket:inline-image name="333066224_489484086548574_1618207554003322623_n.jpg"}}{{/hket:inline-image}}

方健儀自嘲醜女，面頰和胸部「唔夠肉地」，但偏偏屁股易長肉，而且五五身，「我情願我係醜女你記得我，好過靚女但冇人記得，其實我上星期都有分享唱K片段，好多謝大家嘅Like，亦有人覺得我不知所謂，形容我係癲婆，又話我顛覆，摧毀主播專業形象...其實敬業樂業全程投入就已經係專業，我覺得莊諧並重係我特色！」她表示網上有關於薛影儀的資料不算詳盡，所以她期待有機會可以訪問對方展開深情對話，了解她選美到入行的心路歷程。方健儀接受《晴報》訪問，她表示：「其實主要想大家討論一下，唔同角度思考同探討，冇話對與錯，最好多啲人良性討論。有網友叫我扮阿儀唱歌，因為我都係叫阿儀，但我唔想喇，尊重番佢！我有睇佢首歌MV歌詞，其實幾正能量，我都成日被人笑塊面方、身材唔好，但歌詞有一句意思係唔需要理人咁多，最重要自己開心！」

{{hket:inline-image name="340922656_583596110403030_3777543071461379269_n.jpg"}}{{/hket:inline-image}}

{{hket:inline-image name="340653568_1941850732832996_6569798090230455261_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉