方健儀正式搬入近2000萬柏傲莊 難捨馬鞍山舊居：呢間屋幾旺我

前新聞主播方健儀近年成功轉型做KOL兼活動司儀，形象健康又專業大受歡迎，獲不少活動和廣告商邀約。3年前，方健儀和丈夫洪楚恆以1850萬購入位於大圍的柏傲莊，並於去年Boxing Day正式收樓，方健儀當時拍片揚言會自住，更帶大家參觀新樓的內部裝修及會所設施，睇到觀眾流晒口水，大表羨慕。今晨，方健儀在社交平台宣布正式入住新居，並分享一張望住河景的照片寫上：「新一頁！」

同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

方健儀拒網友提議扮阿儀唱歌 被嘲「方面」身同感受：唔好笑【下一頁】

{{hket:inline-image name="363335500_837380521077278_7725532124777833943_n.jpg"}}{{/hket:inline-image}}

方健儀昨晚特別在舊居進行最後一次「馬鞍山大姨媽」直播，跟網友分享自己執屋之苦，她笑言：「執屋進度非常緩慢，我問洪生（老公）有冇機會瞓覺呢？應該都難...好彩我哋呢度未租出去，慢慢以螞蟻搬家形式運去新屋。呢度由2010年10月10日結婚之後就開始住，已經住咗接近13年，明明新居比而家呢度實用面積大少少，但硬係覺得新屋裝唔晒，仲要租咗迷你倉，真係好諷刺！」

方健儀趁老公出門之後，直接爆料，指老公的雜物比她還要多，事關她近年已經學習「斷捨離」，選擇將衣物捐到二手衫店，「我超過20對高踭鞋，因為工作需要，但平時只著一對波鞋。大家唔會估得到，我同洪生嘅衫比例係2比8，係咪好恐怖呢？」她更公開老公的雜物，當中包括書本、影碟、器材等等。

黃妍興奮與「偶像主播」方健儀同台 「佢當年封咪真係覺得好可惜」【下一頁】

{{hket:inline-image name="12538514998292975515_600.jpg"}}{{/hket:inline-image}}

方健儀回憶起13年前搬入居所，大讚第一感覺已經非常喜歡，「雖然我唔信風水同堪輿，但好信感覺，一望已經好鍾意；而且望到吐露港景色，夏天太陽唔入屋，但冬天太陽就好和暖咁溫暖我的心。」她大爆上年年尾拍新居開箱片時，已經有網友表示希望可以租她的舊居，她說：「我唔排除將來退休會返番嚟住，因為入住時仲做緊傳媒，後來轉去ICAC做公關再跳出嚟，經歷過最重要嘅兩、三個關口。我覺得呢度幾旺我，唔信風水命理但信感覺，好順心！」不少網友聽完方健儀的講解後，都舉手排隊要租馬鞍山的單位，方健儀笑言：「我未決定租出去定畀屋企人，但阿爸阿媽屋企可能要裝修，都可能要畀佢哋暫住一段時間先。」一向都孝順又重視家人的方健儀稱雖然不信風水，但為滿足「四大長老」，所以都安排在農曆七月前完成搬遷行動，非常乖女！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組