應采兒掗拃凸晒肚似臨盆在即 56歲陳小春疑再做老竇追女

56歲陳小春同細16歲應采兒（丁丁）結婚多年，先後誕下兩個寶貝仔，之前拍綜藝節目時，陳小春「恨女」女恨到出晒面，唔少人都叫佢快啲追番個女！近日似乎真係有眉目，丁丁情人節post出一條短片，片中見到丁丁肚凸凸，好似就快生得咁！

丁丁post咗一段慶祝結婚14週年嘅紀念影片，片中丁丁一開始喺門外行入嚟，有啲掗拃，身穿超轉寬鬆針織連身短裙，腹部隆起。而佢講嘢時仲似乎有用手遮掩。工作人員搵到丁丁當年結婚所穿「大紅中式禮服」，丁丁着上走到陳小春面前問佢有咩感覺，陳小春開玩笑表示老婆「改嫁」，令全場爆笑，之後佢都立即答「婚禮那套」，丁丁露出滿意笑容，陳小春無啦啦唱起「似是故人來」，應采兒有默契地回應對句「此時還是你」，夫妻互動sweet到爆。

{{hket:inline-image name="001mPwqtly1hl5xh4c9w4j61xr2l0npf02.jpg"}}{{/hket:inline-image}}

應采兒着上禮服之後明顯凸起的腹部曲線吸引目光，尤其雙手叉腰動作更誇張明顯，網民都猜測：「應采兒是不是懷孕了，第三胎。」、「三胎必須給小春哥一個閨女。」、「應該是懷孕了，當媽媽的都能看出來。」、「三胎了嗎？是女兒要來了嗎？」、「三胎，祝你們生個女兒。」、「而且月份應該不小了呀！」。

應采兒與陳小春於2010年情人節結為夫妻，兩人婚後不僅時常公開放閃，應采兒更在2013年與2020年產下兩個寶貝兒子Jasper和Hoho，陳小春曾帶大仔兒子上內地親子節目，懂事嘅Jasper小小年紀就圈粉無數，人氣一度勁過父母。而陳小春喺節目中對另一位明星嘅女兒「小泡芙」錫到出晒面，睇得出佢好恨有個女，唔少人都好期待見到佢變成女兒傻瓜，祝福佢呢胎生個肥肥白白嘅女！

圖片來源：抖音、微博