湯怡暗示結束與麥秋成3年婚姻？ 萬年前度洪卓立甩拖網民叫復合

湯怡與麥秋成於2021年1月宣佈排期註冊結婚，並同時透露已懷孕三個月，同年2月二人於港島南區陽明山莊舉行婚禮，6月誕下女兒「麥 QQ」。唔經唔覺二人結婚接近3年時間，佢哋仍keep住甜蜜，不時於社交平台放閃。不過昨日湯怡喺社交平台出post，令外界揣測二人婚姻出現暗湧。

同場加映： 念丨陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

湯怡於社交平台post出一張着上cyber感服裝嘅性感照，圖文不符寫上：「合則來，不合則去，不會強求，也不會挽留。來來去去，最好的會留在身邊。」帖文一出引來大量網民猜測佢同老公麥秋成嘅婚姻亮紅燈，留言：「Dumped your husband?（飛咗你老公?）」、「一早估到啦， 不過唔知會咁快。」、「唔係有左都唔會結婚。」、「係咪暗示啲咩？」、「離婚，我們又有機會了！」、「完全同意，勉強冇幸福。」

{{hket:inline-image name="104.jpg"}}{{/hket:inline-image}}

湯怡之前都試過post出同老公玩水片段，片中老公同佢一齊喺水上樂園畀水淋濕晒，佢留言話「老公唔可靠」：「女人都係信自己好啲，攬實另一半交哂畀佢，以為佢會保護你為你遮風擋水，點知一個轉身… 喔噢。」雖然留言滿天飛，不過就有fans為佢抱不平，表示：「嗰啲人會唔會太黑心呢？點解要詛咒人哋呢？人哋離婚對你又好處咩咪？咪又係食花生！」湯怡終於回應呢位網民，留言：「唔好動氣😂 笑下好了。」

又有當年佢同洪卓立嘅CP粉叫佢同洪卓立復合：「同番立立一齊囉！winwin！」洪卓立同上任劉沛蘅（Hillary）於上年11月「因了解而分開」。初期二人堅拒承認戀情，但隨著戀情慢慢浮面，最終二人分別在個人社交平台承認交往一事。自從公開認愛後十分高調，全感受到幸福滿瀉，可惜最終都係分手收場。洪卓立同湯怡雖然已經係多年前嘅戀人，二人都已經換晒畫，不過都有唔少網民仍然好懷念呢對一齊咗11年嘅「香港童話故事。」

{{hket:inline-image name="c5cbe110-2465-4338-ae5c-c37a5ee02562.jpeg"}}{{/hket:inline-image}}

湯怡今日出席活動被追問「婚變」傳聞，她表示：「唔係婚變，日日屋企都好開心，我個世界唔係得麥秋成一個，我講緊餅店請人好難，呢幾個月出出入入5、6個員工，點知鬧出婚姻危機，我都有同老公講番，佢都諗過留言平息風波。」

圖片來源：Instagram