吳浩康分享40蚊「地盤飯」太太郭思琳力撐 被網友批「博同情」 Deep高EQ回應

歌手吳浩康（Deep）在上月宣布約滿英皇娛樂後，為了養妻活兒，他到地盤開工，做搭金屬棚架工作，打多一份工增加收入。而日前Deep就在社交網分享地盤工作日常，今次主題為「地盤飯」，更留言指自己「我真係好鍾意返工㗎。」網友見他為家庭做職安真漢子，紛紛留言支持。

同場加映：黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9850"}}{{/hket:ul-video}}

Deep在IG分享他在淺水灣開工的一天，「到底地盤飯係點嘅呢？平時我哋係點樣落order同攞飯嘅呢？幾多錢？品質係點？今次我介紹呢間係5星級服務嘅飯車，品質就留返俾各位師父去評價！但係唔知大家估唔估到當中有啲咩飯呢？各位工友開飯啦！」

{{hket:inline-image name="3_600.png"}}{{/hket:inline-image}}

{{hket:inline-image name="987.jpeg"}}{{/hket:inline-image}}

片中Deep到放飯時間他就往外賣車拎飯盒，飯盒盛惠40蚊，有枝竹豆腐火腩飯、豉椒肉片飯、涼瓜牛肉飯、咖喱牛肉飯等。而Deep就揀了「男人嘅浪漫」豆腐火腩飯，與其他工友一起開飯，他更豎起拇指讚飯盒好食。

{{hket:inline-image name="56.jpeg"}}{{/hket:inline-image}}

不少網民見Deep願意為家庭付出，紛紛留言為他打氣：「加油 Deep兄」、「加油！從今之後可以叫你做康師傅了！」、「非常欣賞deep兄能屈能伸為家人努力」更有人指他可以介紹張致恒一齊開工，「支持你！你有冇諗過介紹張致恒喺你度開工？佢都好需要幫助」。不過有網民就留言指Deep「博同情」，Deep就回應：「我只係分享生活，無話過自己辛苦，請問我做咗啲咩博可憐？」

而太太郭思琳亦有轉發Deep的片段，「原來地盤飯都唔係想像中咁頹嗜，我覺得賣相仲唔錯添。」

{{hket:inline-image name="14_600.jpg"}}{{/hket:inline-image}}

Deep曾指疫情期間教唱歌收入不俗，但一通關生意大受影響；幸好他在兒子出生前考定平安卡，於是放下身段到地盤做搭金屬棚架工作，打多一份工增加收入，他強調不會放棄幕前及教唱歌工作。他表示日頭收工後就返Studio教學生，「時間啱啱好！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG