方皓玟（Charmine）及馮允謙為全新樓盤開售特別拍攝微電影，而Charmine更用上她為一位忠實粉絲創作的歌曲《I Do》作為廣告歌，相當配合又動聽。馮允謙大讚Charmine演技非常好，他拍戲經驗不多，沒想到他講出一句對白，就望到Charmine的眼淚隨即湧出，令他大開眼界，非常佩服。而Charmine坦言為Fans創作結婚歌曲，並去婚禮獻唱到賀，非常有意義，但隨即收到不少相關的邀約，令她應接不來。
同場加映：中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要
方皓玟10月倫敦開騷與港人見面 親自問好鼓勵撐過低潮堅持追夢【下一頁】
Charmine剛剛在英國完成巡迴演唱會返港，她自爆忙過不停，事關剛剛炒魷上一任外傭姐姐，現時跟新外傭姐姐協調中。Charmine說：「佢真係可以同張敬軒個姐姐真係有得揮呀，可惜我冇影相影低佢，廚藝真係不相伯仲！佢煮嘅早餐嗰種創意同埋凌厲嘅眼神，全部都好犀利，啲人成日以為我好惡，但冇諗過姐姐仲犀利！（黑暗料理？）試過叫佢整條魚，本身係鮮魚，但佢整出嚟係鹹魚，真係好特別，我問佢點解可以咁鹹？佢話只係用鹽水沖過！之後又試過叫佢整肉餅，硬到食唔到，(畀阿仔食？）我個仔已經瘦咗好多喇！」
她笑言忍受足足三年多，EQ提升不少，只希望更換「姐姐」之後全家人都可以增磅，「我由正常到而家輕咗8磅，而家得番90幾磅，如果將來大家見我肥番，就知呢個姐姐睇得過，如果見我繼續瘦，就真係要睇醫生喇！」
方皓玟一個爆笑原因請ERROR做嘉賓 193開騷前半小時決定突擊合唱【下一頁】
馮允謙早前由於氣管發炎導致失聲，甚至影響工作，幸好已慢慢康復。「我琴晚唱Annual Dinner，啲高音位真係唱得好辛苦，所以我早已同大家講聲打定個底，話自己唔舒服，一高音位就拎個咪出去叫大家大合唱！」提到今次樓盤活動，馮允謙坦言好想買樓上車，希望有折扣，同埋狂接千個Annual Dinner騷才可以足夠金錢上車。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組