陳淑蘭
陳淑蘭
查看更多

發呆當reboot

發佈時間: 2023/11/09

發呆當reboot

去完日本高野山吸靈氣，返香港中途路經台北，順便去埋有無比強大地穴能量嘅南港公園。荷蘭生物科學家亞柏（Jaap Van Etten）證實，台灣土地蘊含著極高的能量，甚至比世界知名的美國能量城亞利桑那州瑟多那市（Sedona）的能量更高。

「台北南港公園」能量數據驚人，地穴能量，可以減輕病痛，平衡身心靈，成為咗另類療法的觀光勝地！而我就決定去公園區內感受、見識一下三個天然能量場域最巨大嘅特別空間結界坐吓冥想吓。先唔好挑戰佢係咪真係磁場爆棚，公園內風光無限好，有山、有湖、有森林，佔地高達11.8公頃，園內有中國風的古橋垂柳、青山綠水；有運動風的跑道、球場、單槓......即使只是單純欣賞岸邊隨風搖曳嘅柳樹，樹影婆娑，倒映湖面，池塘內水鴨悠遊自在，如詩如畫，亦令人著迷。

{{hket:inline-image name="6.jpeg"}}{{/hket:inline-image}}

（作者提供圖片）

繁忙嘅生活中，每日會遇到好多事情，時時喺我哋不經意間......

「能量、磁場」出現不平衡嘅狀態。即係我哋有時會形容自己「無energy」。當失衡情況出現，我哋可以好似部手機咁，將接收咗太多數據或不再用嘅record，熄一熄機，當reboot完，電話又重新能量滿滿去運行了。

調整能量，可以喺生活空檔中多接觸大自然、小動物，或去一個令你放鬆嘅地方獨處一下，發吓呆，都可以幫自己增強energy。人與天地時刻都在交換能量，接好去壞，平衡心思，自然通達無礙。「知止而後有定，定而後能靜，靜而後能安，安而後能慮，慮而後能得。」每個人嘅磁場都有一種釋放同吸收嘅功能，好嘅頻率震動，可以洗滌身心減少負能量。

當你嘅頻率處於低層次嘅時候，你就會被干擾；當你頻率提高時，就會感到喜悅平靜，同時亦能吸引正能量，散發美好嘅磁場！所以我而家已經充滿力量，係一個Wonder Woman了！Yes！

（本欄逢星期四刊登）

撰文: 陳淑蘭 樂天知命，直言無忌的電視及電台節目主持人。
欄名: 口沒遮蘭

內容標籤

最新文章

生活訊息

晴報 Sky Post
 

您也可能喜歡...