《上海灘》名與利︳葉麗儀80年收一張支票夠買樓 一個原因險被稅局列入黑名單

資深製作人楊紹鴻近年全力打造訪談式節目，繼《台友情緣的歲月》及《泰友情緣的歲月》之後，最新推出的節目名為《小鴻吹水站》，第一集將於星期日（11月5日）在其YouTube頻道「Channel Gary Yeung」內播出。打頭陣嘉賓是殿堂級歌手葉麗儀，會跟大家分享經典金曲《上海灘》帶給她的名與利，還有入行55周年的演出計劃等。

同場加映：中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要 

{{hket:ul-video id="9516"}}{{/hket:ul-video}}

{{hket:inline-image name="11031001.jpg"}}{{/hket:inline-image}}

{{hket:inline-image name="11031002.jpg"}}{{/hket:inline-image}}

由「煇黃」顧嘉煇、黃霑聯手打造的電視劇同名主題曲《上海灘》，由1980年面世至今，這首金曲可謂滲透每個華人居住的地方。葉麗儀在台上演繹《上海灘》已有43年時間，問她如何每一次唱出新意？葉麗儀說：「呢首歌係唔可以從新編排，因為本身調子同澎湃氣氛已經係個框框入面，深入民心，如果忽然改過佢嚟唱，會有少少格格不入。所以一路以嚟就算從新灌錄，我哋都係用大啲嘅樂隊、新啲科技，都係想做出澎湃感覺。咁多年嚟唱呢首歌都係充滿感恩，老實講唔係煇哥、霑叔寫咗首咁舉世知名嘅歌畀我，我亦都唔會有機會唱到而家，呢首歌令我事業持續咗43年，所以我係好感恩、感恩！」

葉麗儀罕提患腦癌孫仔 擔憂流淚：佢將來會點？【下一頁】

提到當年《上海灘》歌酬令她買唔少「磚頭」，葉麗儀話：「收第一張支票就可以買樓，呢個係事實，哈哈…（買邊度嘅樓？）香港嘅樓，好細嘅，嗰時唔係好貴，太古城都係8萬元一層…最好笑嗰時老闆問我『你第一張支票要唔要去瑞士收？嗰度低稅。』我話香港都好低稅啦！」

葉麗儀銀髮Look露面自爆患三高 控制飲食加一個良好習慣助排毒【下一頁】

至於過往交稅的數目？葉麗儀表示：「曾經被稅局叫預繳下年度嘅稅，嗰一年好多就第二年都好多，我話冇理由都未賺叫我畀咁多錢，佢話我唔畀就將我個名加入黑簿仔度就出唔到埠。」她又指1974年在倫敦跟EMI簽一份跨國合約，內容是她可以收50年版稅，所以時至今日仍收到版稅，「每半年都有得收，所以我係好幸運，好多謝煇哥同霑叔。加上呢十幾年中國開始有版稅呢樣嘢，我哋香港一班嘅歌手，曾經收過相當可觀嘅版稅。」

（↓點擊放大睇圖片↓）

明年是葉麗儀入行55周年的大日子，她透露今年已開始在世界各地舉行紀念演唱會，至於香港就已入紙申請伊館的檔期開騷，希望明年8月可以成事。至於有否考慮過退休問題？她說：「我一直好享受唱歌，同埋好享受同觀眾嘅交流，所以冇諗過要正式宣布退休，覺得講咗之後有人搵我出番嚟會好尷尬，不如索性唔講。如果出年之後越嚟越少人搵我，就慢慢淡出就算。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：梁榮達