陳淑蘭
陳淑蘭
查看更多

佛系大阪之旅

發佈時間: 2023/11/02

佛系大阪之旅

每次去大阪，都係大魚大肉，食匆匆、買匆匆……

今次去大阪，就嘗試一下佛系之旅——「宿坊」Shukubo。

{{hket:inline-image name="76.jpeg"}}{{/hket:inline-image}}

（作者提供圖片）

喺古代日本，不少朝聖者踏上求道之旅，參訪名山古剎，尋求知識。喺一整日旅程結束後，佢哋會到寺院借宿，而寺方會提供簡單的住宿同膳食，稱為「宿坊（Shukubo）」。但係當一般民眾開始到寺院參拜，好似高野山呢種位於山中寺院無法當天來回，需要設置參拜者的住宿空間，此時開始將僧房提供給一般人住宿。呢個亦係寺廟令民眾可以去多了解和尚生活同寺院文化嘅一種體驗。日本宿坊價錢有平有貴，由數千日圓至數萬日圓一晚不等。名氣越大嘅寺廟一般價錢較貴，佢哋比遊客體驗修行活動亦比較豐富。

我今次去咗高野山，佢除咗係日本宗教聖地，更加被列為係世界文化遺產嘅地方。因此令我蠢蠢欲動，想感受吓同以往唔一樣嘅大阪遊歷，等我可以感受吓另一種旅遊體驗。

住寺廟同住酒店不同，入住者必須嚴格地遵守寺廟嘅規定，特別係門禁時間。為咗便利翌日嘅修行，寺廟就寢時間一般係晚上九點或十點。通常宿坊都係一泊一食或一泊二食，包晚餐同翌日早餐，或只包早餐。雖然日本和尚可以飲酒食肉，但宿坊供餐一般係被稱作「精進料理」嘅素齋為主。可能係因為只食兩餐嘅關係，今次我食嘅係杮子湯、蘋果tempura，肥美大栗子沾麵豉醬，加埋佢哋啲口感獨特豆腐，食材非常新鮮，yummy！食得我非常開心。

住宿坊嘅人，可以參加抄寫經文班、坐禪，或一起聽清晨早課；我剩係參與咗早上六點半誦經，之後去食早餐啫。之後就去睇佢哋出名嘅寺廟。有啲寺廟更提供較特別嘅修行活動：例如：茶道、繪畫、瑜伽、斷食、瀑布水行等，等我下次都參加吓嚟磨練心神，徹底洗滌身心靈，睇吓會否有靈氣逼人嘅效果！

（本欄逢星期四刊登）

撰文: 陳淑蘭 樂天知命，直言無忌的電視及電台節目主持人。
欄名: 口沒遮蘭

內容標籤

最新文章

生活訊息

晴報 Sky Post
 

您也可能喜歡...