《中年好聲音》首兩輪比賽正式結束,順利誕下30強人馬,不過近日播出的一集,亦是30強爭奪戰的最後一集卻成為網友熱烈討論的焦點。單是最近一集已經總共誕生六位5燈歌手,分別為梁浩賢、李振鵬、鄭梓浩、顏米羔、安雅希和陳燕娜。網友們笑指感覺評審「趕收工」或者贊助商要「交數」,最後一輪極「鬆手」,其中梁浩賢的成績最具爭議。
同場加映:
我們的青春日誌丨蘇韻姿「被離家」迷惘中轉化心情 自責累媽媽擔心:佢想令我振作
中年好聲音丨伍仲衡災難級連環讀錯人名歌名 網民:掛住做評審唔留意樂壇?【下一頁】
在FB有關《中年好聲音2》的討論區或者TVB的《中年好聲音》YouTube影片留言中可見,網民似乎對梁浩賢、鄭梓浩、李振鵬、陳燕娜獲得5燈都大感不服。其中梁浩賢演繹的《偷偷摸摸》高音位表現較吃力,網友留言說:「佢應該是其中一個拿5燈卻不能服眾的一位」、「咁都有五燈?唔係啩?佢今晚表現真係唔值得」、「唔明點解有5燈?要求咁低」、「妖!今集5燈幾位真係好一般,為了幫電椅商衝業績嗎」、「不好聽,唱得頗辛苦,原來5燈咁容易攞」、「呢個水準都有5燈真係O晒嘴,次次都畀多佢,都唔知係咪同評判好熟」等等。
其實梁浩賢有一定的實力,他憑2000年參加TVB和華星唱片的《2000全球華人新秀歌唱大賽(香港區選拔賽)》獲得「金咪大獎」而入行,同年簽約香港華星唱片出道,亦有推出過《Ho Yin AVEP》EP。所以,梁浩賢都有一批支持者留言表達力撐。至於其餘幾位參賽者的表現都不錯,但網友認為不值5燈,只有3至4燈質素,評審此舉對較早前被淘汰的實力唱將非常不公平。
中年好聲音丨車婉婉亡母情緒鬱結致失聲陷低潮 順逆好壞拼湊成冠冕:無悔無怨【下一頁】
至於另一個爭議性的PK戰,正是甘永傑和曾蜜詩,YouTube的留言極大部分都不服賽果,大家認為甘永傑比曾蜜詩唱得穩陣又動聽,沒可能最終要敗戰。網民︰「曾蜜詩真係唱得麻麻地!甘永傑真係唱得好過佢好多」、「蜜詩唱個verse唔係好唱到啲音,chorus都係嗌歌同走音比較多,永傑表現比較穩定,音色比較好,賽果令人意外」、「啲評判真係唔識㗎喎!真垃圾!又浪費晒啲人材!甘生唱得好過個女人咁多...加油」、「陳友唔得,我跌了眼鏡,有冇搞錯呀!反枱」、「有冇搞錯?呢頭讚完人,嗰頭又唔畀燈,玩嘢!肯定肥媽有私心,個男仔輸得好唔抵」等等。
甘永傑IG都有留言說:「記得當日錄影要出局嘅時候,我一度質疑自己原來唱歌真係咁差,一直都高估自己,用咗幾日時間終於消化左(咗)出局呢一個事實。每一次親朋戚友同我講加油,內心都有一份唔好意思,辜負咗你哋嘅支持,其實我已經出咗局,但不能劇透,只好講句多謝支持。直到琴(噚)晚節目出街,所有感覺又再返番嚟,曾經想逃避睇番自己不堪入目嘅表現,但始終都係要面對。結果,睇番我帶住發燒12個鐘嘅身軀,聲音好差嘅狀態,盡力完成咗呢首難度好高嘅歌,雖然好多瑕疵,但係都唔係我想像中咁差,亦有畀我自己嘅情感感動到。#失準但不失禮 嗰一刻突然諗通咗,點解我10幾年冇再參加歌唱比賽,係因為我根本冇鬥心,唔識同人比,我enjoy嘅係冇壓力咁唱表演,分享故事畀人聽,突然如釋重負,有返(番)少少信心,更加希望有機會喺更多唔同嘅舞台唱歌俾(畀)大家聽。」
由於第一季《中年好聲音》30強環節有三名參賽者被點名「復活」,當中包括冠軍的周吉佩、何博文及李泇霖。不少網友都期待唱將級高手李浩森、王永森可以「復活」,可惜一直都沒有發生,他們認為賽制令不少實力唱將流失,表示︰「最後一批評分跟前兩批鬆手太多,走音調拍子都有3、4、5燈,對第一二批落選嘅選手唔公平」、「戥好多落選者唔抵,尤其係王永森」、「睇完今集更加替李浩森唔抵」、「李浩森根本係值得入圍30強」等等。
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文:娛樂組