《中年好聲音2》周日晚（15 日）播出一集繼續是60強淘汰賽，當中只有30位參賽者可以晉級下一回合。今集有4位上回合奪得5燈的參賽者出場，包括吳萊邨、周文馨、朱博文和劉可，可惜吳萊邨、周文馨和朱博文表現齊齊失準，同陷危機！周文馨於首集獻唱《Unchained Melody》一鳴驚人，其獻唱片段在Youtube勁吸27萬觀看次數，今集繼續挑戰英文歌《I Will Survive》，惟表現失準唔夠氣，評審團更一度聽到皺晒眉，張佳添說：「呢首歌係好難唱，可能你不在狀態，照計你啲高音應該上到，好可惜，你揀呢首歌嘅Risk好大。」
同場加映：中島美嘉愛與4貓傾訴減壓療癒 多變形象喜能體驗Drag Queen文化
中年好聲音2｜鍾晉生打低對手後退賽被評嘥Quota 網民撐李浩森斥古淖文有肥媽照【下一頁】
來自悉尼的海外選手吳萊邨獻唱《別怕我傷心》，除了出現走音情況，還突然飆高音嚇到一眾評審彈起，伍仲衡說：「你唔夠從容，唱得好辛苦，好似行緊鋼線！」肥媽說：「你一緊張個聲帶就會收縮，幾歹都唱低半度，你真係自殺。」張佳添更直指似嗌救命。到底曾被伍仲衡指「有排玩」的吳萊邨，會否像上集的李浩森一樣再被伍仲衡「燈走」呢？
上回合跳唱《頭髮亂了》的朱博文，今集挑戰慢歌《俏郎君》，博文還未獻唱完畢，陳慧嫻已忍不住大嘆：「個 Feel好似唔係幾啱」，肥媽說：「你上次《頭髮亂了》真係正到嘔茄，你哋唔好自以為是，揀歌要再精準啲！」伍仲衡同樣直認失望：「你係我今集最大嘅期望，但而家係由天台跌到去地牢！」
中年好聲音 2丨零經驗素人譚輝智成大熱黑馬 陳寶雄因節目尋回失散兄弟【下一頁】
今集同樣有感人畫面，帶病上陣的林瑋璣與上回合尋親成功的陳寶雄進行PK，戴上草帽、黑超、以藍色暗花西裝上陣的陳寶雄深情獻唱《你是我的女人》，他在台上感觸說：「喺《中年》呢度得到好多嘢，譬如同我堂阿哥重遇番，喺度識到好多兄弟姊妹，大家對我真係好好，同埋工作人員知我視力有問題，每一位對我都好照顧。」林偉璣聞言忍不住哭着說：「我哋從來唔係因為你對眼有問題而對你好，大家都係畀你嘅歷練同歌聲感染，真係好難搵到知音人。」偉璣一番感言更引爆全場淚水，場面感人。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
圖片：大會提供
撰文：娛樂組