中年好聲音2丨顏仟汶被父母離棄捱麵包瞓床底 破碎家庭致情緒病：冇嬲父母

無綫《中年好聲音》成功打造幾位歌手，吸引不少藝人和素人參加，入行多年、將踏入53歲的顏仟汶，在《中年2》海選時獻唱《蔓珠莎華》，可惜最後未能入圍，事後她在Facebook指自己令爸爸失望而道歉。其實，顏仟汶父母緣甚淺，童年時在缺乏父母愛環境下成長，影響至到她患上情緒病。

同場加映：你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活

{{hket:ul-video id="9311"}}{{/hket:ul-video}}

{{hket:inline-image name="365312748_860311452310386_1512709787743855299_n.jpg"}}{{/hket:inline-image}}

{{hket:inline-image name="370577683_872316591109872_4698344386214669611_n.jpg"}}{{/hket:inline-image}}

顏仟汶早前接受由李志剛主持的港台節目《好心情經理人》訪問，她透露童年時曾在托兒所度過，「我去校長房問校長借電話，亂咁撳電話，聽到男人聲，我就叫爸爸，『爸爸，帶我走，我唔要喺托兒所！』我有呢段記憶囉！」及後，顏仟汶被疏堂婆婆收養，當時只有6、7歲歲的她，要照顧全屋所有大人，「每日食一個豬仔包，每日要抹窗，執好晒所有嘢，放學返嚟要幫手『啤』嘢，『啤』完先可以做功課，跟住繼續煮飯。我瞓邊呢？全屋8個人，就係將房門塊板塞入床下底，我就係瞓呢度。」李志剛指她年紀小小已是童工，顏仟汶苦笑說：「我冇人工㗎！」

《一舞傾城》Many媽︳52歲顏仟汶嚴重過敏全身出疹 經歷恐怖8小時 嘆生命好脆弱【下一頁】

讀到3、4年級的時候，有個疏堂叔叔將她帶走，雖然回到爸爸的那一邊，可惜她遇上不快事，經常被人打，之後爸爸帶她帶回汕尾生活，由嫲嫲照顧，在當地讀了一年的小學4年級後，又跟隨叔父回到香港，重讀4年級，放學後跟住叔父開檔做小販。直至中學，顏仟汶跟自己講：「我一定要讀到中五，喺咁嘅家庭環境長大嘅人，唔學壞都偷笑啦！」

父母的離異，令顏仟汶得不到一個健康的童年，她說：「4年級，我第一次M到，我唔知係咩嚟，係隔籬姐姐帶我去買衛生巾，有時我都幾服我自己，點樣可以撐過來，我都唔明，係環境迫我硬淨，其實我再講落去係會喊。」她哽咽表示從來沒有嬲過父母，「我同爸爸好親，到而家都好緊張佢，我同媽媽都有聯絡，只係呢個（成長）過程，點解要咁樣？但點都好，我都長大，但係每次講到呢個經歷，我會唔鍾意，點解一啲咁簡單嘅嘢，我冇囉，因為童年影響得我好深，包括情緒病、感情事，所以我要調整心態，最苦最苦，已經過咗喇，我大個有手有腳，可以自力更生！」

一舞傾城︳52歲顏仟汶做落魄媽媽生入型入格 陳法蓉演霸氣江湖大嫂震攝李嘉【下一頁】
中學畢業後，顏仟汶對演藝有興趣，加上嫲嫲喜歡看電視，於是她報考無綫第15期藝員訓練班，她說：「我入咗圍，但好可惜嫲嫲走咗，佢睇唔到我演任何一套劇，跟住我自己誤打誤撞，一直淆到今時今日，淆出一煲老火湯。」

{{hket:inline-image name="106508744_1172282953129857_7490204162386901695_n.jpg"}}{{/hket:inline-image}}

在感情路上，顏仟汶自嘲好蠢，「過嚟摸吓我個頭，我就覺得你好錫我，因為我嘅童年，所以我好渴愛，我單身咗4、5年，我反而學識咗，唔會咁隨便去動情，而家係你越埋嚟，我就越抗拒，你鍾意我咩先？我冇青春、冇錢，人老珠黃，仔又生唔到，而且我唔信一見鍾情，每次都係好自然就一齊。」李志剛表示在亞視年代，曾目擊她一段戀情，顏仟汶說：「嗰次係錯誤的開始，因為就手？係呀！維持咗一年，點解分開就唔講啦，無謂啦，都過咗咁耐，都係嗰句，邊段感情唔係因為第三者而分手㗎！」據資料顯示，她在亞視年代曾與杜汶澤相戀，顏仟汶指1998年這個年頭是非常黑暗的日子，除了失戀外，爸爸患上食道癌，又被亞視炒魷魚，後來她遇上王晶，接演多部大膽裸露的電影，「拍囉，我需要嘅係錢，我需要生活。我記得拍第一場戲，我都唔知自己會有咩反應，而家諗番轉頭，當時係咪有唔舒服或者唔自在，我又冇喎！」

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】