中年好聲音2｜鍾晉生打低對手後退賽被評嘥Quota 網民撐李浩森斥古淖文有肥媽照

無綫《中年好聲音》捧紅一班中年歌手，包括：周吉佩、曹敏寶、羅啟豪、吳大強、顏志恒、支嚳儀等人。《中年好聲音2》比賽激烈進行中，昨晚（8日）一集入圍的60人要挑選對手以1對1的PK戰，淘汰賽過程十分激烈。成功把對手蔡京瞵踢出谷的鍾晉生，評判大讚，他卻突然宣布退賽。

同場加映：

中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

{{hket:inline-image name="001.jpg"}}{{/hket:inline-image}}

海選開始時憑住強勁氣場被封為「大佬」的鍾晉生，以英文歌《I Honestly Love You》出賽，外剛內柔，打動評判，獲得3星。到昨晚再以招牌「重低音炮」獻唱《情人的眼淚》，唱到尾聲時眼泛淚光，以4燈揮低2燈的蔡京瞵。

{{hket:inline-image name="3.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

中年好聲音2丨顏仟汶被父母離棄捱麵包瞓床底 破碎家庭致情緒病：冇嬲父母【下一頁】

中年好聲音2丨古淖文曾跟肥媽登台5燈晉級 周國豐彈一個缺點14年冇改善【下一頁】

評判周國豐大讚：「我十萬個唔願意用呢個形容詞去講，佢唱到『掉眼淚』時係幾性感。」同時提醒他要留意的地方，「好鍾意佢感情演繹，雖然佢唱腔好老成，另一點你要改，可能你真係好真性情，我撳燈時你就望評判，你唔好畀評判發現你呢個動作。」骨子裡鍾晉生都有搞笑一面，經常表情多多，聽到評判大讚自己後，鬼馬地嘟嘴作狀向周國豐飛吻，嚇得對方不斷叫「唔好」，笑言要「收燈」。

{{hket:inline-image name="110.jpg"}}{{/hket:inline-image}}

{{hket:inline-image name="80.jpg"}}{{/hket:inline-image}}

沒有送燈的伍仲衡讚鍾晉生的低音甚有穿透力，可是挑選歌曲是純鋼琴版就略為太沉，若改選較有旋律的歌，定必更吸引，多取1盞燈。他雖然成功晉級，卻又宣布退賽，稱：「每個中年人都背負好多包袱，我決定退賽。其實我長駐海外，陪伴唔到自己囝囝成長，當佢話爸爸唱得好聽時，我更加內疚，中年...有唔同目標、抱負，我係時候返番去工作崗位，繼續奮鬥另一個夢想，而家要同大家告辭。」

{{hket:inline-image name="4.jpg"}}{{/hket:inline-image}}

評判們包括肥媽、陳慧嫻和周國豐十分愕然，而坐在台邊的參賽者被鍾晉生感動，站起來拍掌鼓勵。網民覺得他為照顧兒子而作出此決定十分動人，但有網民甚不滿，表示：「佢參加得都預咗，有冇諗過浪費咗個Quota」、「有心退賽就唔好去PK賽啦！搞到自己同人哋都入唔到圍」、「可能睇見唔對路又無人脈，唔想幫人抬轎」。

{{hket:inline-image name="9.jpg"}}{{/hket:inline-image}}

剛剛播出的一集，評判覺得李浩森揀錯歌，最後只得3燈；當刻，古淖文突然舉手，示意挑戰對方，現場人士頓感譁然。古淖文唱《摘星》一樣出事，只得3燈，二人平手，最後評審團投票決定，古淖文以4比1票數成功晉級，伍仲衡繼續力撐李浩森說︰「唔緊要，我搵你唱歌！」

入圍30強的還有劉威煌、古淖文、黃劍文等，前兩者的觀眾緣似乎麻麻，網民不時抨擊。

網民替李浩森不值，在討論區直指評判的標準出問題，覺得有偏幫，欲捧劉威煌之嫌，而古淖文背後有肥媽撐腰，網民：「李浩森唱得好過古生啦」、「古淖文擺明有人撐佢先挑戰李浩森，明知自己贏梗，唔係李浩森應該平安度過」、「同意，古淖文有乘人之危的嫌疑，連肥媽都嚇了一跳，古淖文這樣做損人也不利己」。網民期待復活賽，到時李浩森可以再次應戰 。

撰文：王連連

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】