洗手間是聖地

由細到大我嘅嗅覺都非常敏銳，尤其對臭味。所以對自己用嘅廁所係有啲要求，最低限度係要香，唔要臭。

難聞氣味中通常含有硫化氫（H2S），好彩佢係一種可燃氣體，理論上可以將其燒掉，點燃火柴呢個動作可以令呢啲氣體完全燃燒，空氣中自然就不再殘留「臭」味。所以之前我嘅廁所長期放火柴喺馬桶上，隨住時代進步，而家已經唔係咁容易周圍買到火柴。不過唔驚，日本對廁所除臭產品發明已經比用火柴更有效率了，我時刻都緊貼佢哋嘅除臭新發明。常見嘅廁所芳香劑有三種類型，「置放型」、「噴霧型」、「液體型」，先了解其用途，以利選購時能夠依照需求買到合宜的商品。

置放型：除咗達到除臭效果之外，同時長時間可以維持芳香氣味。

噴霧型：即效性佳，一噴瞬間芳香，仲有一啲消臭力產品，主要針對減少糞便惡臭所研發，著重於人體氣味感受；阻斷便臭嘅原因分子從嗅覺刺激腦部反應，進而只聞得到商品的清新芳香。香料成分與傳統芳香劑相同，唔會危害身體健康，即使喺小空間使用亦唔覺刺鼻。仲有小容量包裝，所以我都有隨身攜帶外出，喺適當時噴噴，去解決氣味所造成嘅尷尬時刻。

液體型︰不得不讚佢哋1滴消臭元系列，可以話係極具革命性嘅商品，只要每次喺如廁前，於馬桶滴入一滴就能達到除臭效果，同時讓廁所散發清新香氣，細細枝，攜帶方便。

廁所對我嚟講，係一個令人放鬆、振奮和感到享受嘅聖地。一個良好廁所環境體現咗對使用者嘅尊重。而日本廁所公認世界第一，佢哋喺各個細節上嘅追求，背後其實仲蘊含文化嘅精髓，有無微不至嘅「款待之道」、絕不浪費嘅「節儉主義」以及時刻為別人著想嘅「不給別人添麻煩」價值觀。

所以我都算係有文化，不過文化用喺廁所度！

（本欄逢星期四刊登）