姜濤接受鄭裕玲（Do姐）YouTube Channel「The Do Show」獨家訪問，除了重提昔日的「退休計劃」外，還罕有大談對感情生活的看法。Do姐重提多年前訪問中，姜濤的退休計劃令大眾嘩然，姜濤坦言想法有改變，「小朋友想法當然係天真啲，（而家唔係咁諗？）而家都想，不過想之後生活條件更加好，35歲摵甩偶像呢樣嘢，但會繼續呢一行。」
同場加映：中島美嘉愛與4貓傾訴減壓療癒 多變形象喜能體驗Drag Queen文化
姜濤爆澳洲拍團綜Jeremy喊 首映禮後掀贊助商拒絕合作風波？【下一頁】
Do姐表示郭富城和梁朝偉起初都有提到退休的想法，結果一直做到現在，希望姜濤可以多參考，姜濤說：「可能係一完成一個作品，就會消失一段時間嗰種。」入行五年日子，姜濤坦言自己做人處事都成熟了不少，沒有昔日的那種衝動和自我，工作目標希望可以做出好作品讓香港以外的人都欣賞。至於如何看待Fans「姜糖」？他說：「演唱會都話會將佢哋當一家人，以前當然都好感謝大家，但我都覺得應該將佢哋視作生命一部分，唔好成日都覺得佢哋會離開。因為睇佢哋啲信，覺得佢哋真係需要我，希望互相提點。」
姜濤坦言五年以來經歷過風雨，但他們組合MIRROR絕對是幸運的一群，「Fans話我好負能量，越來越Dark，其實我作品只係表達嗰個階段嘅經歷同出路，好多歌睇落好黑暗，但其實有答案喺入面。我都算係開心嘅人，同班朋友一齊就會好白癡，大部分私下朋友都係打籃球嗰班，習慣咗同由細陪我長大嘅人一齊，而家唔使工作就係去維園打波，如果放假一有機會就帶屋企人去旅行。」
提到今次電影《我的天堂城市》中挑戰接吻戲，姜濤表示演戲要挑戰自己包袱，而且自覺得大個仔，可以嘗試。對於經理人黃慧君（花姐），他表示：「呢個係我第二個阿媽，好多秘密冇同阿媽講都會同佢講，我喺佢面前唔算一個好聽話嘅人，我哋MIRROR同花姐唔淨係傾工作，佢會關心我哋每一個，如果花姐將來唔喺身邊？都好嘅，佢都應該攰喇，照顧我哋而冇晒自己生活，如果有一日佢離開，我哋就要學習接受，唔好依賴。」
花姐「虐兒」安排姜濤戶外着厚衫 母子同心補鑊齊上齊落焗桑拿【下一頁】
Do姐直言姜濤在MIRROR屬於「C位」，問到會否擔心將來有日C位不再？他表示：「絕對有諗過，我成日都話MIRROR既係兄弟之餘亦係競爭對手，大家做緊同一件事，實會有競爭。但希望大家眼光唔好咁窄，團內比之餘，仲要同香港其他地方比較，如果有人唔再C位，我會檢視自己點樣做好啲 ，唔可以埋怨，做得唔好先會咁樣。我由細到大都係被睇衰，就算被睇衰，我都冇問題！」
姜濤承認自己喜歡小女孩，希望將來擁有自己的女兒，「好想照顧吓人，所以我會點都結婚，我應該幾早結婚，因為爸媽感情唔好，就會特別如嚮往組織一個家庭，童年有好多遺憾，希望小朋友有個完整童年。（幾早？）30歲左右，（邊度搵？）隨緣啫，呢個係畀自己一個目標，唔會SET死一定係30歲，（好多人會幻滅？）唔會啩，始終人人都要經歷呀啦，咁佢哋可以繼續搵令佢哋幻想嘅人。」姜濤坦言父母大年紀才生下他，所以有代溝，自己才希望盡早可以組織家庭，「好多人話我比同齡人成熟啲，就係因為童年冇咁開心，就會諗咁多嘢。」他提到童年時，早餐煮一碗麵，他食麵，爸爸只飲剩下的湯，就各自上班上學。
姜濤坦言自己喜歡可愛型的另一半，跟偶像有村架純一樣，他更首次公開透露自己入行後有對象曾令他動心過，「話冇就假嘅，（唔開始？）唔夠膽，呢個都係我覺得下世唔想做藝人嘅原因，因為一開始感情會畀對方好多壓力，我拍拖可以去得邊？香港都出唔到街，所以相對而家唔考慮，（咁點30歲結婚？）所以咪話睇緣份囉，以前我會話專心事業，但而家如果有咪畀佢發生囉。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組