「人氣王」姜濤、宋芸樺和李嘉文昨晚（11日）出席在圓方的電影《我的天堂城市》首映禮，吸引大批姜糖（姜濤fans暱稱）到場支持。席間，全場姜糖大叫：「《我的天堂城市》，票房大賣！」當司儀嚴崇天分別邀請一眾聯合製作人及贊助商上台跟3位主角大合照後，部分女士趁機與姜濤自拍。
同場加映：中島美嘉愛與4貓傾訴減壓療癒 多變形象喜能體驗Drag Queen文化
首映禮完畢後，冠名贊助商Katch在IG出post，發出重要聲明：「Katch特此公告永久不與Medialink Entertainment Limited再有任何合作機會。對所有受影響會員作出致歉，不便之處，敬請原諒。」有人紛紛留言，「可唔可以解釋吓我嚟睇謝票，點解連粒星我都見唔到，明明個屏幕前面有個台，攝影師都企上去影相，但三個主角就喺台邊個角落度，後面嘅人睇都睇唔到，我坐中間嘅都只係見到幾條頭毛」、「我畀咗$1500買首映飛，結果成個首映禮咩都見唔到，到首映場謝票好彩坐後排見到佢行入嚟」等等，而Katch就留言回覆：「關於活動當天詳情請向相關公司查詢，謝謝！」有網民就留意到台上有人趁機與姜濤自拍，留言「成班女人台上迫住自拍合照，如狼似虎，真係嚇壞姜姜。」
我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖【下一頁】
在場的宋芸樺表示看到姜糖的威力，覺得很震撼，「她們很sweet，感受到她們很nice，還有很支持這部電影，今天完全感受到姜糖的熱情。」她笑言有機會的話，想跟姜濤拍動作電影。
姜濤和李嘉文受訪時，提到兩人在片中有床戲和咀嘴戲，問李嘉文會否擔心自己的安全？她笑說：「要靠經理人保護，其實佢哋（姜糖）都好好，佢哋喺IG留言都講得好好，又有暖心嘅DM。」問在紐約拍攝時，姜濤表示獲對方照顧，「問佢英文，讀台詞點樣標準啲，因為自己嘅英文都唔係好叻。」李嘉文透露介紹餐廳給姜濤，但原來他的經理人已為他安排好，姜濤說：「佢（李嘉文）食齋，佢介紹啲餐廳冇乜用。」
問到如果香港票房大賣，姜濤有甚麼福利派給姜糖？姜濤說：「冇諗過，可能出席多啲公開活動，或者出多咗歌。」提到宋芸樺想跟姜濤合作動作戲？姜濤笑說：「我身體唔係幾好，（佢話談情戲都ok？）可以，（如果2揀1？）我揀談情，冇咁攰！」
對於姜濤與MIRROR隊友在澳洲拍攝團綜時，經常在社交平台甫相，姜濤直言很開心大家可以聚在一起，「我哋最珍惜係私底下傾偈嘅時間，（有冇喊？）有㗎，大家都大個咗好多，唔會咁易喊，但當然有個別成員好易喊，（你？）我唔記得喇，我應該冇乜嘅，姓Jer嗰啲囉，（有兩個喎？）高啲嗰個。」姜濤表示最深刻是12位兄弟齊坐熱氣球，「大家都係第一次搭，喺熱氣球上面都有人喊，因為好感動，跳舞好叻嗰位，（好多成員都畏高？）其實熱氣球都唔係咁恐怖，高到一定嘅高度就唔害怕，大家可以嘗試吓！」
GI-FORCE演唱會︳炎明熹為延期致歉：失望唔開心 姜濤轉載演出片段贈4字打氣【下一頁】
日前炎明熹在演唱會中揀選姜濤的歌曲《Dear My Friend,》獻唱，事後姜濤在IG Story轉載當晚片段，並寫上「很棒 加油」支持炎明熹。提及此事，姜濤望住身旁的公司經理人笑說：「每次一問佢就好緊張。」及後大方地說：「我都有睇佢好多表演嘅片段，我一直都好欣賞唔同歌手嘅作品，其實都好榮幸佢揀我呢首歌唱，因為可以表達到佢自己嘅故事，所以都好開心。」姜濤認同音樂大同，如有機會都期待與任何一位歌手合作。
此外，談到Alton和Edan的歌迷會分別因內訌問題而解散，姜濤表示較少關心歌迷會的運作，「因為我唔係好識，而其他歌迷會，家家有本難念的經，所以我唔方便評論。」
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】