姜濤入行短短5年，已經成為萬千寵愛的偶像，每到之處都千呼萬喚，比很多同年的年輕人，較早找到自己的方向。不過有得亦有失，有前途、有錢，卻失去「自由」，不能隨意做自己喜歡的事，亦沒時間拍拖。他與李嘉文拍攝電影《我的天堂城巿》，遇到這拍檔感情生活比自己豐富，加上好奇的性格，把握機會在未埋位時，不時追問李嘉文的戀愛史。沒實戰經驗的姜濤，就先來紙上談兵。
姜濤以往拍戲，就會展現自己活潑的一面，會戲弄其他演員，不時偷影大家閉目養神的「黑圖」，而之前跟毛舜筠拍戲，對前輩以及以往娛樂圈的往事特別有興趣，會時常追問。今次首次跟李嘉文合作，日前二人一起宣傳時，李嘉文表示慶幸自己沒有被偷影，反而對方在現場經常講搞笑Gag，令拍攝團隊們很愉快。還大爆他對自己的感情史特別有興趣，問很多問題，笑言他比記者問得更深入。這又難怪，因為李嘉文曾經有4次戀愛經驗，作為A0的姜濤實來說，可以充當「戀愛老師」，爽快的李嘉文都會大方回答。
姜濤坦言跟李嘉文講「經」，對拍檔跟男友的感情事十分好奇，他說：「佢係感情專家，作為女仔有好多經歷值得分享，我會問佢同男朋友之間嘅事。而且我好鍾意聽人哋嘅感情事，所以成日都會追問。」李嘉文自然有問必答，還略帶取笑：「佢問到嘅我都會盡量講，冇乜嘢好遮掩。我好明白佢嘅處景，好想拍拖，但拍唔到。佢問我就分享下，知道佢自己冇得經歷。」姜濤在旁解釋，聽多些別人分享，將來自己遇到類似情況都可以好處理。
24歲的姜濤，在求學時候有暗戀的經驗，但「實戰」卻欠奉，他坦言喜歡可愛型女仔，但入行後工作忙，身為公眾人物，實在有好多掣肘。他跟一般男仔一樣，在這個年紀，對愛會有好多幻想和響往，現時他只能等待緣份降臨。但他自覺未必有女仔肯跟公眾人物拍拖，因為一切都會被關注，不能享受溫馨：「公唔公開要經雙方考慮，對方想我都OK。我聽過佢（李嘉文）講嘅經歷，知道兩個人有乜難關都可以一齊過。但我覺得而家啲女仔，冇乜邊幾個肯同我哋呢啲人一齊，拍拖應該係開心，但同我哋唔會開心。」
李嘉文都很認同姜濤的說法，戀愛大過天竹旳她，自然覺得愛可以包容一切：「如果真心鍾意，我係會接受到，可以同個男仔去露營，咁就冇人見到啦!」少女實在太天真，姜濤都瞪大眼兼耍擰頭更正對方：「You'll never know， you know，你太睇小香港，可能會有人拎住長炮對住你，喺對面山都影到。」李嘉文大讚姜濤性格好，沒架子、溫柔、善良兼孝順，相信他會找到好的女朋友，但對方心理質素要好強大。
二人在戲中有不少談情戲，亦有被受關注的床戲。李嘉文因第一次拍親熱戲，所以當初知道有這些劇情時都會緊張。在美國拍攝，劇組一定會安排親密動作指導在場協助。經過詳細溝通，雙方合作得較容易，她表示這樣很順利就完成拍攝：「指導會同雙方講到明一陣會做啲乜動作，問清楚大家都OK先會拍，唔OK就會提意一啲方案，總之大家都舒服、清楚動作點做先拍，我哋嘅親密鏡頭一take過唔難。」這戲在疫情期間拍攝，所以二人埋位前，都會先漱口，做足事前準備功夫。
《我的天堂城巿》的演員除了有姜濤和李嘉文外，還有宋芸樺、金鐘視帝姚淳耀、偶像劇女神魏蔓主演，分3個故事主題呈現各人在紐約追夢的故事。LuLu（李嘉文飾）在當地讀藝術，隨後認識了Jack（姜濤飾）。不過，因為各種問題使她未能留在當地，被逼要跟男友分開。李嘉文表示，其實自己跟導演溝通時，都加插了不少經歷：「我明白喺異鄉會遇到迷惘、孤獨，當有問題時候，會好辛苦時唔知同邊個分享，就算同人哋講，佢哋都未必明白自己嘅經歷。有啲對白係現實生活中我有講過，例如『You are my New York』,我同過一個前男友講過，嗰段感情都似，嗰段時間諗緊辦法留低，自己又好鍾意呢個人，心情完全一樣。」因為真實的經歷，使李嘉文演出更投入、自然。
撰文：王連連
攝影：何家賢
（姜濤）：
化妝：Annie G. Chan @Annie G. Chan Makeup Centre
髮型：Man Chan @CHIC Private I salon
服裝：Yohji Yamamoto, Jimmy Choo
造型：PIPA Creative
（李嘉文）：
化妝：Hulda Tsai
髮型：Jason C@GIHO HAIR
場地：香港康得思酒店 Cordis, Hong Kong
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】