姜濤酷熱天氣著大褸食冰降溫 事後溫提姜糖唔好試：拉肚子

姜濤今日在赤柱出席代言飲品活動，由於天氣酷熱，身穿白色長衫、外披紅色長褸的姜濤，不停用紙巾拭汗，與姜糖（姜濤fans暱稱）玩「傳冰」遊戲時，更忍不住食冰解熱。

同場加映：枱底隧道丨ERROR割席死腳膠賣錯式感情觀 許願集郵心中女神靠「全民追星」？

{{hket:ul-video id="9184"}}{{/hket:ul-video}}

{{hket:inline-image name="DSC08896.JPG"}}{{/hket:inline-image}}

{{hket:inline-image name="DSC08901.JPG"}}{{/hket:inline-image}}

有姜濤的出現，自然吸引大批姜糖到場支持，據知有姜糖早於活動三日前已通宵霸位，認真誇張！姜濤表示知道此事，「希望佢哋下次唔使咁進取，因為咁樣真係太辛苦，露營吖嘛，唔使呀，戥大家辛苦，不嬲都同大家講，要將自己排第一，（戥你辛苦？）唔緊要呀，MIRROR train咗好多年，（你飙汗晒？）冇呀，冷汗嚟㗎！（見你忍唔住食冰？）係呀，不過大家唔好模仿，好容易肚痛。」提到早前他在商台訪問時身體不適，姜濤指自己身體已無大礙，「因為腸胃問題，我間中都會咁樣，起身嘅時候又有啲暈暈地。（嗰朝有冇食嘢？）有，每朝都有，唔使擔心。」

《我的天堂城市》首映丨A0姜濤為電影獻熒幕初吻超緊張 尷尬咬手指：第一次嘗試這個行為【下一頁】

對於他早前赴台灣宣傳電影《我的天堂城市》，姜濤表示最開心亮相台灣綜藝節目《娛樂百分百》，「係一個童年回憶，我打咗好多卡，但好多都冇post出嚟，佢哋都畀咗好多紀念品我，收到拍板，好開心，而家擺喺屋企。（如果有「小豬」羅志祥喺現場更好？）當然啦，因為由細睇到大，唔緊要吖，去到已經好開心。」
提到早前有網民發現姜濤考車牌，他笑說：「揸得一般啦，我學咗幾堂，所以大家見到我揸車嘅時候遠離我多啲，真係揸得唔係咁好，（有冇信心一take pass？）有少少，盡力學啦，我淨係想學揸車，冇諗過買車，我學車係因為覺得男仔應該要識揸車，同埋去旅行可以揸。（有姜糖買咗「KEUNG T0」車牌，打算送畀你？）我覺得佢留畀自己會好啲，如果我用咪話畀大家聽我出街？梗係唔會啦，佢買咪留番畀自己。」

姜糖以3.8萬投「KEUNG TO」車牌 待偶像姜濤買車將無條件轉贈【下一頁】

{{hket:inline-image name="DSC09329.JPG"}}{{/hket:inline-image}}

最近有位外國聲樂老師點名批評姜濤、Anson Lo、Jer及Jeremy的作品欠實在，姜濤鬼馬反問：「得一個啫咩？不嬲都有好多人批評，我好多謝大家批評，不嬲都話自己有好多嘢未做得好好，所以大家嘅批評我都會睇。」

{{hket:inline-image name="DSC09307.JPG"}}{{/hket:inline-image}}

此外，談及將出發澳洲拍MIRROR團綜，姜濤表示印象中，是12位兄弟首次一起出埠，「之前去韓國、泰國都係分組去，今次齊人好開心，我好期待大家一齊傾偈，因為呢幾年好少12個人坐埋一齊，因為大家分開做嘢，（怕唔怕團綜有地獄game？）冇啦啩今次？（玩降落傘？）而家傾緊，因為我哋有啲人都未必克服到呢個恐懼。」提到他早前發文指「接受某些人道歉」，惹來外界揣測是關於呂爵安（Edan）演唱會的一番言論，姜濤說：「總之件事冇影響我哋之間嘅感情，大家放心，我哋12個同當初一模一樣，永遠都係兄弟，唔會被呢啲嘢影響到，過咗去嘅嘢都唔想再提。」

採訪：黃曉妍

攝影：林嘉銘

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】