ViuTV節目巡禮2024今午公布全新劇集及綜藝節目詳情，活動一開始，ViuTV吉祥物生啤、並公布新成員「生氣」（Sound Hey）加入大家庭，指「生氣」是ViuTV頭號hater，留意住ViuTV的一切，所有事都睇唔順眼，更愈睇愈嬲，不停去各大社交平台派嬲及留負評，對ViuTV的了解比生啤、生菜更多，因而被招攬加入團隊，時刻監察住ViuTV，名正言順地生氣。
同場加映： 中島美嘉愛與4貓傾訴減壓療癒 多變形象喜能體驗Drag Queen文化
《ViuTV 2024》發布會，由女團COLLAR打頭陣出場，其後由5位司儀包括陳俞希、陳安立、黃奕晨、練美娟及蔡宛珊，介紹7套原創劇及10大綜藝節目。原創劇集包括有《瑪嘉烈與大衛系列 絲絲》、《出租大叔》、《無人之境》、《弊傢伙!我要去袚魔》、《反起跑線聯盟2》、《17年命運週期》、《島嶼協奏曲》，另外還有改編韓劇《社內相親》。
而十大綜藝節目，最令人期待的是壓軸出場MIRROR《MIRROR Time》，十二子專程飛到澳洲拍攝，周前才返港。MIRROR十二子跳唱全新團歌《Catch A Vibe》，勁歌熱舞帶起全場火辣辣氣氛。表演後接受訪問時，負責發言的隊長楊樂文Lokman，上氣不接下氣地說：「我哋住嗰度有一個好大露台，望到好靚景色，每晚收工返到去，無論有幾攰，大家都喺露台吹水唔願瞓。」Lokman不停喘氣甚為狼狽，副隊長AK見狀幫忙接話：「今次爆肝之旅，亦係增進感情之旅，大家都晚晚都傾偈唔願瞓。」不過滿頭大汗的AK喘氣更厲害，聲都變埋，場面搞笑。而Tiger更笑住爆料：「今次我哋有好多高空活動，咁就睇到好多成員都對高空有反應，絕對值得期待。」
MIRROR接受訪問，回應連日來的新聞與是非。姜濤日前出席《我的天堂城市》首映禮，事後贊助商疑不滿安排而發公告永不再跟電影發行商合作，姜濤說：「演員都係做好自己職責，其他事由其他公司負責，我唔方便評論，（被蜂擁粉絲嚇親？）我不嬲都發緊呆。」對於有傳姜糖入場睇戲睇完偶像部分就提早離場，被指欠禮貌，姜濤說：「唔知喎真係，一定有部分粉絲係咁，希望大家欣賞完成套戲先走，因為真係好多人嘅心血。」
至於呂爵安（Edan）及王智德（Alton）兩人的Fans Club分別因事而解散，Edan說：「成件事係佢哋有啲唔係咁好嘅言論被睇到，呢樣嘢一定唔啱，但知佢哋好大壓力，引咎辭職。」提到Fans Club以有限公司名義註冊，建議經費要先捐出，但亦遭部分人士反對，Edan說：「滿足唔到所有人，公司有主動去了解，等佢哋去溝通，我唔係呢方面專家，但會密切留意住。講真，追星都係求開心啫，無論加唔加入Fans Club都好，追星係想快樂，唔想導致大家唔開心。」而Alton同樣受到困擾，他承認由於Fans Club成立有一定時間，人數比較多，「始終佢哋（Fans Club）而家係公司，規模大咗但彈性細左，希望我哋幫到問題可以解決到。」至於MIRROR演唱會受傷舞蹈員阿Mo（李啟言）日前生日，團長楊樂文說：「代表向佢講咗生日快樂，唔逐個send message畀佢，怕阻住佢休息，份心意放喺心，為佢祈禱，希望宇宙畀力量佢。」
姜濤爆澳洲拍團綜Jeremy喊 首映禮後掀贊助商拒絕合作風波？【下一頁】
綜藝節目包羅萬有，繼《P1X3L 5G上台計劃》後，宣布添食推出《P1X3L 5G八星賀歲》，當日因拍攝節目而傳緋聞的吳啟洋Phoebus和許寶恆Alice上台時，刻意被分開，中間隔住Ash鍾卓穎。
另外，《民造星V》早前完美落幕，三甲香胤宅(Lyman)、黃家灝(KC)、陳鎮亨(亨仔)，以及落選成員王希晉、卓金樂(Kim)、羅子熙、黃泓祖(Taco)、王鋒、何居倬(Adams)、劉瑞威（Meow）、陳樂庭、田曜誠(Tsoul)、林昆樂(Stick)再次齊集舞台，為大家帶來亮眼的精彩表演，Lyman再次展示高超舞姿，凌空一字馬，令台下來賓拍爛手掌。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
採訪：黃曉妍
撰文：娛樂組
攝影：林嘉銘