早霸王丨Jeremy＠MIRROR自爆28歲從未獻寶貴初吻 初戀僅4日 小儀：真係墳場姑爺仔

MIRROR成員李駿傑（Jeremy）今日亮相商台節目《早霸王》，大談感情事，他自認是怕醜仔，往往不敢採取主動，自爆初戀只維持短短4日，還透露初吻仍在，嚇到森美嘩嘩大叫！

同場加映：中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

小儀提到在感情路上，有沒有一些熾熱的感覺，到現在也覺得值得回味，Jeremy說：「我誠實啲咁答你，我未試過呢啲感覺，我嘅初戀得4日㗎咋...」森美和梁嘉琪聞言即哈哈大笑，Jeremy續說：「我可以話畀你知，我做過啲咩呢，拖手、睇過一次戲就冇喇！」追問分手的原因，Jeremy說：「我唔知呀，佢話分手，後尾聽講係玩，我都冇乜嘢，我都係抱住試吓嘅心態！」小儀問他有沒有被初戀女友奪去初吻？Jeremy表示沒有，一句「初吻，未試過」，嚇得森美在直播室不停大叫。小儀說：「嗰陣參加比賽嘅時候，姜濤就出咗名係嘅（直認是處男），姜濤話冇拍過拖。」Jeremy說：「我覺得我同姜濤都係怕醜仔，同埋內向，我同佢以前都係好唔自信嘅人。」

騙徒用假AC聲稱收1萬蚊搞見面會 Jeremy@MIRROR勸fans勿上當：見面唔使錢【下一頁】

梁嘉琪好奇追問他有否曾在一段戀情中，會緊張得有生理反應，「心跳呀，我意思係心跳！」小儀亦接著說：「標手汗！」Jeremy笑說：「視乎咩生理反應！」森美幫口說：「係咁講埋咁嘅嘢，呢班大姑...小心呢啲老女人。」Jeremy指自己很怕醜，就算暗戀人都不敢望住對方，他說：「遠遠地望住佢就算嗰啲。」小儀表示相信他因而錯過不少戀情，Jeremy表示認同，「都係㗎，因為我唔夠膽講，就算而家都唔夠膽講，我成日同friend講，佢哋話『可能你未經歷過，完全唔識點同人喺呢方面相處，人哋又get唔到；或者如果遇到一個唔主動嘅人，其實根本唔會畀人覺得你好想去拍拖。』」Jeremy透露以前的戀情，都是由女方主動追求他，森美聞言即表示：「咁幸福嘅！」梁嘉琪接著說：「都要睇條件嘅，uncle！」Jeremy打圓場說：「森美大哥都靚仔！」小儀笑說：「真係墳場姑爺仔（歇後語是『媾死女』）！」Jeremy笑說：「咁我要去個墳場先喇！」

個唱前推出新歌《Fever》 李駿傑MV意識大膽【下一頁】

{{hket:inline-image name="2.jpg"}}{{/hket:inline-image}}

Jeremy透露曾與好朋友喜歡同一女生，他說：「當時我覺得『吖，唔係喇，如果我唔再講，可能我就冇機會喇！』跟住我鼓起勇氣表白，但我下一句就係『我哋唔使一齊㗎！我淨係想話畀你知，我鍾意你！』跟住佢就同咗另外嗰個男仔一齊，因為我怯，懦夫，哈哈......我驚佢拒絕我，所以我拒絕咗佢先，而家隨緣，佛系！」

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】