Anson Lo新歌《ON》道出入行後價值觀 拍MV置身地鐵車廂憶起初出道小事

盧瀚霆（Anson Lo）在今年推出的最後一首跳唱作品《ON》。MV中，Anson Lo首次「揸」電單車，過程令他十分難忘。除此之外，置身於搭建的地鐵車廂中，又令他回想起MIRROR初出道時的一件小事。

同場加映：

黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

新歌《ON》談及的是Anson Lo出道4年以來的心態，他說：「價值觀以外，亦係我喺生活上嘅態度：一直都不停地衝！不停向前望冇理任何嘢。希望藉住呢首歌，可以鼓勵大家同我一齊有積極價值觀，無論生活上工作上任何事情都可以向前面對。」

{{hket:inline-image name="IMG_9612.JPG"}}{{/hket:inline-image}}

為了配合歌曲中談及向前衝的概念，這次Anson Lo特別要求排舞師不要加入任何Signature手勢，說：「我想舞步有咁快得咁快，有咁密得咁密，有咁辛苦得咁辛苦，因為今次成個舞蹈Pattern、肢體動作，都好似跑緊步，不停地衝衝衝嘅感覺，咁跳法係好攰嘅，襯番首歌。」而MV的畫面，出現了各式各樣的交通工具，例如在廠內搭建的地鐵車廂與月台，又有在馬路上飛馳的電單車，還有隧道內的私家車，Anson Lo以多個有型造型配合不同的場景，他說：「今次用唔同場景比喻速度呢樣嘢，而我嘅角色係一個超光速嘅人物，不停同時間競賽，甚至拯救唔同嘅人。」

{{hket:inline-image name="IMG_9618.JPG"}}{{/hket:inline-image}}

MV中其中一幕，在隧道中拍攝，這次是Anson Lo第一次在隧道進行拍攝，他與舞蹈員在隧道內起舞，興奮道：「好好玩！平時成日過隧道，每一日都會過隧道，但冇諗過條隧道空晒，自己喺度跳舞，係好有趣！」除此之外，製作團隊亦安排了多架超跑入鏡，Anson Lo要坐在車冚上面唱歌擺甫士，沒想到這讓他十分緊張！他解釋道：「我要喺車冚上面拍一啲Mood Shot或唱歌Shot，要有Movement得嚟又唔刮花人哋架車，好難！因為Stay Still好奇怪，但衣服上面又有鐵扣，所以呢一Part係拍攝最謹慎嘅一個Shot！」
 
除了在隧道拍攝，還要坐上電單車在馬路上風馳電掣，他說：「第一次掂電單車，我完全未掂過電單車、上過電單車，今次第一次接觸乘搭電單車，原來上電單車都幾難，因為係要筋鬆嘅人先容易上到。」

{{hket:inline-image name="IMG_9616.JPG"}}{{/hket:inline-image}}

MV另一重要場景，就是地鐵車廂，望著廠景內搭建的車廂，Anson Lo回憶道：「對上一次乘搭公共交通工具，應該係兩年前，其實都幾懷念。我拍幕後花絮嘅時候，扮望出地鐵車廂出面，心情好似啱啱出道嗰排搭地鐵，有機會都想同Fans一齊去乘搭公共交通工具。呢個都算係MIRROR出道後自己一個小回憶。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供