一粥麵中秋「鮑魚盆菜」 早鳥優惠7折

中秋佳節當然要同家人食餐好啦，黛安收到風，今年中秋一粥麵會推出「鮑魚盆菜」，嚴選7款上等食材，包括鮮甜嫩滑嘅十頭鮑魚、鮮嫩甘香嘅北海道宗谷瑤柱、濃郁海鮮滋味嘅韓國蠔豉、腍滑入味嘅蠔皇鵝掌等，更有半隻皮薄油少、肉質滑嫩嘅貴妃雞，用料豐盛，再加入南乳腩肉、豬皮、魷魚、蓮藕、蘿蔔等經典食材，安坐家中都可以歎盡傳統美食。

公關姊妹話，即日起至9月26日，顧客可以7折早鳥優惠價$699（6位用）訂購原價$998嘅「鮑魚盆菜」，或以75折早鳥優惠價$898，享用鮑魚盆菜6人套餐，套餐除咗有鮑魚盆菜，更有足料嘅紅燒花膠肉絲素翅（4磅）及鑊氣十足嘅揚州炒飯（2磅）。使用手機訂購，更加送6罐可樂；如果喺Klook預訂仲有獨家優惠，加送5張$20電子優惠券㖭！