馬浚偉跨越喪母後遺情緒病 面對爸爸去年胃癌病逝：感恩無憾

今年是馬浚偉入行30年，他將於11月10至12日，以及17至19日，假新蒲崗的胡李名靜體育館演出六場《~幸福•春夏秋冬~Ma’ster Mic演唱會2023》。馬仔接受《晴報》專訪，他指這是一個顛覆傳統的演唱會，會讓觀眾感受到幸福，是一次音樂、視覺交集的沉浸式的藝術作品。

{{hket:ul-video id="9111"}}{{/hket:ul-video}}

{{hket:inline-image name="J1-18.JPG"}}{{/hket:inline-image}}

{{hket:inline-image name="J1-24.JPG"}}{{/hket:inline-image}}

「我希望觀眾理解我呢件藝術作品，入場後，熄咗燈，大家唔使拍手，唔好叫我，唔使送花，唔好舉燈牌，唔好有熒光棒，唔使攞手機出嚟fing盞燈，我完全唔要。個騷唔係做畀我睇，個騷係送畀觀眾，所以觀眾應該係去享受，佢哋相信我，跟住我嘅戲劇內容推進，整件作品嘅設計，流露嘅情感，投入呢個過程就得㗎喇！演唱會一開始，春天嚟喇，直至完場就係冬天，冬天之後有最寒冷嘅冬天，有親情包圍住你。」

馬浚偉睇主席訪港片段深受啟發 讀「習近平講話」書籍打通任督二脈【下一頁】

{{hket:inline-image name="20.jpg"}}{{/hket:inline-image}}

曾經，馬仔因為媽媽過身，心結一直解不開，「人呢，總係要跌過痛過，先識得企喺身，而家我比以前更強。去年10月，我爸爸都走咗嘞，當然我係唔捨得，當然會難過。坦白講，我同爸爸都無憾，生老病死係自然，好平靜咁處理，件事仲係我生日前兩日發生，同時我好感恩，我陪住爸爸，拖住佢隻手，我攬住佢，陪佢走過最後一程。」

{{hket:inline-image name="50.jpg"}}{{/hket:inline-image}}

{{hket:inline-image name="27.jpg"}}{{/hket:inline-image}}

85歲的馬爸爸因胃癌病逝，馬仔表示最感恩是爸爸患病程中，沒受過太大的痛楚。父母離開，馬仔反而覺得兩袖清風，「我有諗過，有冇令父母唔開心？冇！喺阿爸阿媽眼中，我值唔值得佢哋驕傲呢？值得，佢哋親口講過。我有冇令佢哋難過過？冇。我有冇令佢哋以個仔為榮？有！我做足㗎喎，我好樂意去做。點解我要健康？因為我永遠唔會畀自己早走過爸爸媽媽，結果我做到嘞！我成日都講，我最驚早走過我爸爸，我爸爸走咗，我真係好輕鬆。我唔使擔心如果自己早走，爸爸會好難過。」

藝員訓練班│馬浚偉首任校長著重學員操守品德 「尊重行業 唔好以為自己係明星」【下一頁】

{{hket:inline-image name="26.jpg"}}{{/hket:inline-image}}

{{hket:inline-image name="28.jpg"}}{{/hket:inline-image}}

馬仔坦言希望透過這次表演，告訴觀眾「對父母唔好含蓄」，趁有機會的時候就要說出來，表達對父母的愛意，「雖然我冇咗兩個親人，佢哋去咗天家，我搵到幸福感，我好想分享呢份幸福感畀觀眾。」他細選了兩首國語歌，筷子兄弟的歌曲《父親》以及王菲歌曲《如願》，「歌詞好特別，兩首都係講父親，歌頌父愛，我都諗緊『死喇，到時會唔會喊？』喊咪喊囉！我又唔會喊到唱唔到歌！我嗰種喊，唔係傷痛嘅眼淚，就算真係喊，都係擁有親情力量嘅眼淚。」

{{hket:inline-image name="24.jpg"}}{{/hket:inline-image}}

{{hket:inline-image name="25.jpg"}}{{/hket:inline-image}}

有沒有一些說話，跟遇上同樣經歷但未能走出傷痛的人說？馬仔說：「有經歷，走唔番出嚟，難免嘅，我都用咗十年八年先走番出嚟，我點可能要求人哋睇開啲呢？邊有咁容易？我哋逐步逐步嚟，我哋唔好刻意強迫自己去忘記一啲人同事，點可能忘記嗰份情？我哋可以暫時忘記嗰份傷痛，唔容易，搵新元素去淡化呢份傷痛。以平常心去行走，能夠一呼一吸，能夠朝早擘開眼，照吓鏡，發現自己依然係健康，看到、聽到、聞到、食到，其實你已經好幸福嘞！唔好等自己失去嘅時候，先察覺曾經擁有時有幾咁幸福，其實幸福一直都在。」

{{hket:inline-image name="51.jpg"}}{{/hket:inline-image}}

採訪：陳小芝、黃曉妍

攝影：陳健珊、林君茹

髮型：Earl Yam

化妝：雷淑賢/大哥賢

場地：麗豪酒店 @ L'Eau Restaurant 濠餐廳

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】