同理繼續傾│馬浚偉認曾同高層樂易玲不咬弦 被林敬剛醉酒指罵 和解反成良朋

馬浚偉昨晚在電台節目《同理‧繼續傾》中與陳小芝、彭詠儀談及娛樂圈這一行的恩怨情仇，他語重心腸著彭詠儀不要將仇恨記在心上，並自爆：「你睇番我過去嘅紀錄，我永遠都係對事，事情一過，係誤會就自然會解決，如果係事實，咁咪無緣再見囉！但呢個仇恨亦無謂要記，因為大家你一程我一程，你行東、我行西冇問題，大家繼續行自己嘅路，向左走、向右走。無須記恨，可化解就化解。」

同場加映：MIRROR衝金│姜濤認打波有脾氣會改善 Jeremy認抽中居屋好好彩

{{hket:ul-video id="4598"}}{{/hket:ul-video}}

知情識趣31｜馬浚偉搞名人賽想搵安仔Sammi 玩兒時遊戲：冇抄《魷魚遊戲》【下一頁】

{{hket:inline-image name="800_aa9d0301ca7e88043b6e953e4ebd13c3.jpg"}}{{/hket:inline-image}}

馬浚偉特別舉出兩個例子，他說：「曾經我同樂小姐（無綫高層樂易玲）唔係幾可以傾到偈，甚至不咬弦，你睇報紙都知道，但呢四、五年間我哋感情好好，禮拜日仲一齊返教會，唔係扮friend，我哋乜都講，佢有唔開心都打電話畀我。」馬仔2012年提早解約離開無綫，有傳他不甘被公司冷待，他當時回應時稱從來不求加人工和得獎，只是遇上樽頸看不到好發展而大感不安；當時更拒絕跟樂易玲回召，揚言：「我同樂易玲，緣薄！」但後來他跟樂易玲重修關係，現在非常老友。

{{hket:inline-image name="800_ac2c43d8afa4a3c72b9fec485b4b887a.jpg"}}{{/hket:inline-image}}

{{hket:inline-image name="251771042_4617126178345862_8616828727716499399_n.jpg"}}{{/hket:inline-image}}

除了樂易玲之外，原來林敬剛都一樣與馬浚偉化敵為友。馬仔表示：「呢個我好兄弟，佢而家喺係內地拍緊戲。話說十四、五年前，我唔識佢，因為完全冇合作過，我同江華差唔多時間生日，所以一齊慶祝，敬剛同江華熟，咁江華就邀請埋佢。當時小弟叫做孭飛做無綫劇集主角，而敬剛仲係打拼緊，三、四線，但我冇所謂，只係大家唔熟。點知當晚佢飲醉酒，無啦啦指住我嚟鬧，話我搞生日party做乜唔約佢，喺度發酒癲，最終畀江華趕走。」他說當年沒有被他影響心情，不過就有點怕這個人，沒想到在2001年拍攝《洛神》時終於「碰面」合作，見證到林敬剛的工作態度，令他完全改觀。

藝員訓練班│馬浚偉首任校長著重學員操守品德 「尊重行業 唔好以為自己係明星」【下一頁】

「起初都驚敬剛一陣又冇啦啦鬧我，但佢工作態度令我欣賞到不得了，守時、熟讀劇本、咬字清楚，佢個樣好粗豪，但角色需要演文戲，佢表現得非常好，而且全程冇拎劇本出嚟，（對白）記到熟晒！」馬浚偉續稱︰「我都係啲咁嘅人，唔帶劇本入廠，我做曹植由頭畀人蝦到尾。不過佢得八集戲，八集之後就死鬼咗，但佢角色好重要。呢件事上我對呢個人完全改觀！」後來林敬剛都有主動向馬浚偉提到醉酒鬧人一事，並且道歉，兩人自此成為好朋友。馬仔表示︰「佢而家內地發展得好好，又做埋『陳皮大王』同萬梓良徒弟，好戥佢開心，前幾日我哋先通電話。人生就係咁，有啲誤會未必長久，事過就境遷。」

提到曹植這角色，馬仔笑言近日「七步成詩」再次成為話題，事關電動車品牌Tesla行政總裁Elon Musk在Twitter及微博用中文發布帖文，內容是大家耳熟能詳的《七步詩》，「我呢個曹植，事隔幾千年終於打入國際市場，估唔到『黃雨代言人』之後又整單咁嘅嘢畀我，連電動車都關我事！」

{{hket:inline-image name="ma.jpg"}}{{/hket:inline-image}}

{{hket:inline-image name="ma3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉