星光路上︳馬浚偉憶當年演康熙獲金庸認可 曾遇十級麻煩演員：自我至極點

今個月51歲的馬浚偉近年不單止是演員身分，還做DJ、監製、導演及創作總監等，一日24小時也不夠他用。馬仔這次接受TVB娛樂新聞台《星光路上》主持人潘盈慧訪問，分享他從歌手轉做演員的感受，到做導演的新體會，及母親離世後跌入人生低谷的經歷。

{{hket:inline-image name="10192002.jpg"}}{{/hket:inline-image}}

{{hket:inline-image name="10192003.jpg"}}{{/hket:inline-image}}

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

提到初入行當歌手的經歷，馬仔說：「中三開始已經邊讀書邊做兼職，我去買雪糕，到中五畢業後就即刻出嚟做嘢。我從來冇諗過入演藝圈，但係我好鍾意唱歌，參加咗44次歌唱比賽，係第44次先至贏。嗰時我全力集中火力去做歌手，都係3年幾時間，跟住開始兼做演員，但唔係我自己申請去做演員，而係第三隻唱片真係唔賣得，唱片公司話唔續約…，跟住我師傅珍姐（曾勵珍）同添哥（李添勝）叫我去試鏡《鹿鼎記》，咁大個仔未化過古裝樣，望住鏡頭覺得好核突，直情唔敢擘大眼。到最後出嚟反應，就連金庸先生事後喺一篇訪問入面，有講過話馬浚偉飾演嘅康熙，係最似佢印象中嘅康熙，我係好感謝、感恩得到呢個認可。」

馬浚偉睇主席訪港片段深受啟發 讀「習近平講話」書籍打通任督二脈【下一頁】

馬仔透露入TVB前有讀過演技班，但最重要是多得珍姐的教導，「咁多年嚟我師傅珍姐捉住我一板一眼去教，講真你點會逃得過珍姐對眼，我連個嘴角郁咗幾多下，佢都同我去數，佢話『你個嘴做咩？你知唔知你呢個表情嘅內心戲喺邊？』，咁多年嚟珍姐睇住我啲片，就捉我入房指住嚟鬧，真係鬧、唔係讚，只要佢唔鬧你就係讚，基本上每次兩個鐘頭狂抦。」

港台2022節目巡禮丨創作總監馬浚偉構思不同新節目 與劉心悠合作不會私加親密戲【下一頁】

去到2016年，馬仔事業上有新嘗試，自編自導自演舞台劇《偶然・徐志摩》，3年後拍首個電影作品《生前約死後》，「自己做編、導、演，又換另一個角度去睇，越做導演就越嚟越憎演員，哈哈。（記得自己做演員時有幾麻煩？）十級麻煩都有八級，當然見過九級同十級嘅演員，我哋做演員會好自我，同你黐咪又話唔黐，又話燈光打咁鬼耐，劇本又唔熟讀…，同你拍100個take，你企喺度、我企喺度，我揸機仲攰過你，導演見你紅啲又唔好意思鬧你，或者唔敢鬧你，新啲話你又話蝦你，但你自己又唔做好自己本份。演員好容易將自己無限放大去到一個點，真係全世界要去服侍你？就算你紅到幾紅都好，攞埋視帝視后又如何，你唔進步就停留喺度，停留之後就會滑下坡。」

（↓點擊放大睇圖片↓）

馬仔亦有分享人生最難過的歲月，「最大打擊係媽媽有病跟住離開，嗰段歲月應該係我生命中最難過，於是不停接戲，一連拍三套TVB劇，用工作麻醉自己，唔使開工就同朋友飲酒…，朋友之後覺得唔對路叫我睇醫生，醫生話我有抑鬱症，加上以前性格係好收埋自己，乜嘢都唔會同人講，到06年有信仰之後，成個人有重生嘅感覺。（人生座右銘？）有啲信仰味道，就係反思、盡力而為，結果交給上帝，我唔會去諗太多最後係點樣，但係盡力去做係好緊要，當然仲有一句『學海無涯，學然後知不足』，係我不斷提醒自己，記住要虛心去學，我哋喺呢一生最後走完，都唔會學識晒地上所有嘢，所以你永遠有好多嘢係唔識，但如果你願意抱住呢種心態，就會發覺要學嘅嘢有好多好多，好好珍惜時間，好好把握機會。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】