馬浚偉睇主席訪港片段深受啟發 讀「習近平講話」書籍打通任督二脈

由港台創作總監馬浚偉主持嘅電台節目《同理．繼續傾》，日前於「同理繼續讀好書」環節請嚟立法會議員陳曼琪接受訪問。陳曼琪強力向聽眾推介《在慶祝香港回歸祖國二十五周年大會暨香港特別行政區第六屆政府就職典禮上的講話》一書，一旁嘅馬浚偉亦非常認同，並希望讀者可以用心消化內容。

同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友

{{hket:ul-video id="6312"}}{{/hket:ul-video}}

一開頭馬浚偉同陳曼琪先賣關子，馬浚偉得知陳曼琪介紹咩書時，表示：「首先我要肅然起敬，其實我要起立嘅。」陳曼琪指呢本書係追夢者同尋夢者必睇，可以畀到讀者明確方向。馬浚偉本身就未閱讀此書，但佢就表示有睇習近平訪港時嘅片段，已深深受鼓勵同啟發。馬浚偉又建議大家睇呢本書嘅時候要「打開心扉」，如果用唔願意相信、唔贊成，同埋唔堅守應有信念，就算睇完都冇用，馬浚偉話：「本來睇完呢本書等於練好九陽神功，將全身任督二脈打通。（如果唔願意相信）將一個好明確嘅方向視而不見。」

{{hket:inline-image name="66c89df9gy1h4ragu2u81j21ho1zke81.jpg"}}{{/hket:inline-image}}

二人都異口同聲指書籍雖然薄，但就好有力量。之後就開估書籍係《在慶祝香港回歸祖國二十五周年大會暨香港特別行政區第六屆政府就職典禮上的講話》，內容都係習近平主席嘅講話。陳曼琪以高、廣、深、遠形容書本，表示習主席講話係動員及鼓勵全國支持一國兩制，尤其習近平所提到的四個希望中「切實排解民生憂難」，令佢喺閱讀時深受感動：「我真係毛管戙！佢話普通市民嘅期盼，係作為施政嘅最大需求。更公平惠及全體市民！仲有只要辛勤工作能夠改變家人同自己嘅生活！」陳曼琪認為習近平想講嘅係天道酬勤：「共同富裕唔係平等富裕，而係強嘅幫弱嘅，條件好嘅就幫條件冇咁好！」

陳曼琪又指「唔能夠再係以前小政府大市場」，希望港人邊讀邊為下一代規劃人生。馬浚偉表示希望大家聽完陳曼琪分享會有對理解習主席講話所幫助，而佢亦獲陳曼琪贈書一本。

現年53歲的陳曼琪，她是全國人大代表及律師，及曾為民建聯成員。陳曼琪曾任四屆黃大仙區議員，去年循選委會界別當選立法會議員。