七月返歸丨AK棄偶包素顏爆瘡面試爭取角色 片場現靈體未識驚：睇拍戲啫

江𤒹生（AK）主演的電影《七月返歸》即將放映，情節牽涉靈異題材，他稱當時專注於拍攝沒有太留意，事後聽到不寒而慄，坦言台前幕後人員都遇上不少怪事。首次擔正電影男主角，AK放下偶像包袱，以素顏、爆瘡最原始的狀態面試，成功爭取演出機會，導演謝家祺大讚他的演出值90分，絕對值得觀眾期待。

同場加映：

陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

七月返歸丨AK「膊頭有花」言論被指踩低Frankie：佢哋唔理解我哋友情嘅深度【下一頁】

{{hket:inline-image name="DSC07421.jpg"}}{{/hket:inline-image}}

{{hket:inline-image name="DSC07412.jpg"}}{{/hket:inline-image}}

電影《七月返歸》是由「mm2 新晉導演計劃」得主謝家祺（Nate）首部執導的長片，走驚慄靈異路線，找來AK擔綱演出。兩人第一次合作，在各自的崗位上都算是電影圈的「初哥」，Nate跟AK多多交流，互補不足。畢竟拍的是鬼片，以往參與過這類拍攝工作的台前幕後都遇上靈異事件，AK和Nate又可曾與靈界朋友有過一剎那接觸？AK笑言：「現場環境實在太多人，根本諗唔到驚，始終都係專注喺部戲入面。不過拍完之後大家都有談論，原來喺工廈場景發生過古怪事，有工作人員話附近有四位靈體出現，開工前劇組已經請咗師傅嚟。我有日開工見到師傅，仲以為係請返嚟嘅演員。而家諗番都冇話驚唔驚，多得當時大家冇講，唔會影響拍攝情緒。」他向來相信鬼神之說，自小鍾意跟大班朋友睇鬼片，他形容這次劇組搭建愛民邨電梯口場景，雖然明知是假，氣氛卻相當陰森，「如果得自己一個絕對唔敢停留！」

問到過往可有恐怖的靈異經歷？AK憶述當年在韓國訓練時，與中國及台灣隊友同房，「有一晚瞓瞓吓醒咗，見到中國隊友坐喺我張床嘅床尾飲水，我認到佢條頸有紋身，第日朝早問佢，佢話冇起過身！反正都返香港，冇再追查件事...就當佢夢遊囉！」

七月返歸丨AK暗示MIRROR仍有機出席頒獎禮 強調求證要問「膊頭有花」【下一頁】

Nate自稱是恐怖片迷，之前也拍過恐怖短片，總認為恐怖片都能帶出普世價值，比起小學生在校內睇的教育電視更有教育意義，《七月返歸》正拍出他一直想表達的東西。他透露拍攝時的確有不妥，「係突然感覺到有人搭我膊頭，睇完playback擰轉頭問邊個拍我膊頭，但個個人都坐到好遠，嗰刻唔驚，因為太集中於拍攝嘛，亦冇乜恐懼感，可能佢哋路過睇拍戲啫！」

{{hket:inline-image name="uiaysd.jpg"}}{{/hket:inline-image}}

{{hket:inline-image name="DSC07425.jpg"}}{{/hket:inline-image}}

問到為何會揀AK做男主角，Nate大爆面試人選有20多人，當中有素人亦有圈中人，「我畀一半劇本佢哋返去做準備，AK嚟面試嘅時候我揀咗幾場戲畀佢試，有文戲亦有驚嚇場面。AK casting嗰日佢有好多自己嘅input帶嚟，第一次嚟我同佢傾偈，發覺有好多面向係未經過琢磨，大眾一直睇到嘅佢都係好開朗，好多嘢講同埋好熱血，經過嗰日之後，原來佢都有另一面。好記得佢第一次嚟，我就察覺到佢有向榮（主角）嘅影子，我同佢講過呢個角色唔係sell靚仔，所以最好有素顏畀我睇，爆晒瘡最好！」AK笑言剛好長了兩粒暗瘡，完全符合導演要求。

AK坦言看到電影後略嫌自己狀態不夠連貫，這正是缺乏經驗所致，不過Nate都給他90分。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：Pauline

攝影：何家賢

髮型：Lorraine Lam @Hair Culture

化妝：Yumi Cheung @Annie G. Chan Makeup Centre

服裝：Y-3, Giuseppe Zanotti 

造型：PIPA Creative

場地：太子酒店