江𤒹生（Anson Kong）早前推出歌曲《Keep Rollin’》，今早商台節目《早霸王》播出其錄音訪問。當時，AK還未入直播室，其《Keep Rollin’》帶有日本風格，是否與他自小喜歡看日本動漫有關？梁嘉琪說：「日本動畫啲女主角身材都好好，AK咁鍾意日本嘢...」森美接着說：「係咪鍾意女仔身材好？咁你問喇，我點問呀？」
同場加映：
張敬軒想盡辦法唔返屋企食飯 全因「姐姐」創意料理無啖好食
AK接受「霸王盤問室」訪問時，森美立即入正題問道：「你幾時開始鍾意日本文化？」AK：「我細個睇卡通片嘅時候，着迷《龍珠》，因為深夜先播，阿爸阿媽唔畀睇。樓下有福利中心，有漫畫睇，又會租帶睇，開始鍾意日本文化，我個年代好興濱崎步、各種題材日漫，仲有日本團體。」
Anson Kong曾被彈唱功專注拍劇 媽咪提醒笑多啲：嬲爆爆做咩【下一頁】
3位主持聞後各自暗喜，不斷向AK旁敲側擊，森美問：「其他漫畫呢？淨係睇男仔？」他指喜歡看較熱血的漫畫，同時都有看《多啦A夢》、《櫻桃小丸子》，森美再問：「冇女仔？」AK終於落疊，指有看過《百變小櫻》。梁嘉琪追問：「你鍾唔鍾意女仔着嗰啲制服？」AK大方表示：「咁一定鍾意！鍾意睇。」他經常幻想自己是漫畫中的角色，如何打大佬過關。
梁嘉琪問：「你會唔會幻想吓將來女朋友好似動漫女仔，咁就好喇？」AK：「梗係會！細個會有心儀女仔，我會幻想陣間有壞人嚟，就係我出手嘅時候。」森美問他，把心儀對象幻想成哪位動漫人物？AK：「小櫻都應該都有！」森美單刀直入：「唔係吖嘛？冇性感嗰啲咩？《ONE PIECE》嗰啲？」AK解釋：「我嗰陣時未去到《ONE PIECE》，如果而家睇《ONE PIECE》，梗係睇娜美啦！」直認喜歡性感動漫女角。
口水多過浪花｜AK甜品店開6個月結業認「衝動」 蝕幾十萬離場「買經驗」：下次醒啲【下一頁】
AK提到跟小儀拍綜藝節目《考有feel》，玩遊戲時動了真情，「我覺得玩遊戲就要公平，ERROR成隊好鍾意出茅招，同節目組拗唔OK喎！啱啱MIRROR拍咗新團綜節目，我嗰日都同Edan（呂爵安）講『大家都玩得叻咗』，我都茅咗，遵守遊戲規則係冇用！最緊要好睇！」小儀指是AK、Alton（王智德）玩遊戲時好認真，她說︰「AK玩到後期，已經化咗，但Alton去到最尾一集都仲係咁樣（認真），我要捉住佢兩邊膊頭話『唔好嬲，唔好嬲』！」AK直言關在乎勝負，續說：「贏得唔乾淨呀！」森美認同AK、Alton：「如果玩遊戲出貓，個遊戲就壞咗㗎喇！」
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】