Anson Kong曾被彈唱功專注拍劇 媽咪提醒笑多啲：嬲爆爆做咩

MIRROR成員江𤒹生（Anson Kong、AK）今日到商台為新歌《Keep Rollin'》宣傳，接受《叱咤樂壇》訪問，一班生粉（AK fans暱稱）在商台門口等候，由於天氣酷熱，AK十分擔心生粉，事後他在IG限時動態出post：「辛苦大家烈日當空下等咗咁耐，因為仲有下一個行程，所以今日唔可以同大家傾咁耐，遲啲再見，見字飲水，愛大家！」

同場加映：

Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

{{hket:inline-image name="56.jpeg"}}{{/hket:inline-image}}

{{hket:inline-image name="354441840_677313197542134_6885831050671489392_n.jpg"}}{{/hket:inline-image}}

在訪問中，AK透露計劃明年暑假舉行首次個人演唱會，希望於戶外場地舉辦。去年，他常常審視自己，有甚麼地方做得好或者不足的地方？被人責罵過，被人善意提點、批評，他很介意別人對自己的看法，也開始質疑自己，對唱歌越來越沒有信心，甚至是害怕，稱︰「開頭啲人話我封咪，其實我又唔係封咪，係怕咗呢件事，當時又忙住拍劇，咁不如專注咗拍劇先，諗清楚想點先重新出發。」他把想法告知公司，對方稱這樣做對年尾的頒獎禮有一定影響，「我話唔緊要，我對嗰件事（獎項）冇睇得咁重，冇咁執著。」慶幸，AK找了一位新的唱歌老師，尋回唱歌的樂趣。

Anson Kong超過大半年冇出新單曲 「音樂計劃應該會暫時擱置」【下一頁】

就算對外界批評不聞不問，身邊總有人會讓你知道，AK︰「我阿媽追呢啲新聞追得好貼，佢而家同我一齊住，幫我睇住我隻狗『猜柴』，佢茶餘飯後嘅活動係開住YouTube，睇住我哋12子嘅訪問，重複又重複。佢會話︰『你笑多啲啦阿仔，個樣成日嬲爆爆做咩啫？』我答︰『唔係呀，係好攰，啱啱收工呀！』跟住佢再講︰『你都笑吓吖嘛！』我阿媽就係講呢啲。」

馮素波貼MIRROR合照與鏡粉互動 「請問蛋白粉又係咩嚟呀」【下一頁】

{{hket:inline-image name="52.jpg"}}{{/hket:inline-image}}

另外，馮素波在ViuTV劇集《繩角》飾演Lokman（楊樂文）的嫲嫲，角色誤以為AK是Lokman的另一半，所以一直叫他做新抱仔。波姐到現在仍然很留意孫仔、新抱仔的動向。AK推出新歌，嫲嫲收到生粉送給她的應援物品，波姐在網上留言：「原來做粉絲真係好幸福！應援產品咁豐富咁好玩啊，多謝你哋，作為頭號『生粉』，孫新抱出新歌第一個支持，《Keep Rollin'》大家多多支持！（唔知咁樣打歌啱唔啱隊形呢？）」有生粉大讚波姐厲害又識玩，說︰「嫲嫲真識玩呀！唔知孫新抱有冇機會上你YouTube節目呢？唔好睇佢咁年輕，上世紀80-90年代嘅歌佢好熟㗎！」波姐立即回覆對方：「我都想！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】