破毒強人丨張寶兒驗孕同時確診COVID雙重感受 強調同袁偉豪經濟獨立：我要求AA制

張寶兒（Bowie）近日接受商台節目《星光背後》訪問，大談當年拍攝《打工捱世界2》邂逅現時的老公袁偉豪（Ben），她笑言根本不知道對方是港男冠軍，「一來我面盲認不到人，二來入行前不太留意娛樂新聞，他俾我第一印象就係好陽光，因為就連打防疫針也戴墨鏡，好charm！到非洲拍節目，發現他好照顧團隊，像一個team player，價值觀同我好似，最重要係車程太多，我們傾好多偈！」

同場加映：掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

張寶兒曬26周孕肚肥肚不肥身 與胡定欣撞衫cosplay外賣員【下一頁】

{{hket:inline-image name="bowie.JPG"}}{{/hket:inline-image}}

Bowie家庭背景有一個富爸爸，被問對於拍拖至結婚以來二人交往有沒有壓力？Bowie說：「從來都係外界或社會嘅標籤，變了label佢點樣融入我家庭。其實我哋經濟獨立，Ben係個好傳統、好有責任感嘅男人，拍拖去旅行經常主動afford所有支出、要完全take care我，反而有時我要求AA制。」Bowie坦言戥丈夫不值，為老公抱不平，「有時啲人認定咗佢係一個點樣嘅人，但真係唔係大家想像咁樣！Ben係好好人、愛錫家庭同好有責任感。我阿爸一開始已覺得佢係好男仔，就係因為最初大家問佢我哋係咪拍拖，他主動承認，阿爸就覺得佢好有擔帶！因為當時娛樂圈，唔係太多人願意公開戀情。」

談到入行短短兩三年就答應Ben的求婚，原來當時Bowie曾經擔心過對事業有影響，「好多人同我講咁早結婚代表唔想做，又有人話生咗BB嘅女藝員就無晒女神幻想，我都有思考過。好多人覺得結婚就係犧牲事業，但我個世界唔係咁想，女性點解一定要二揀一？咁好唔公平，何況十年後，冇結婚我事業一定就會好咩？當搵到一個我認為可以一齊行嘅人，就先應該捉緊眼前嘅幸福！」Bowie還自揭一結婚便計劃生育，「首先Ben係屋企獨子，我想同佢建立一個大嘅家庭。(生夠一隊足球隊？）哈！會生多過兩個啦！」

聲夢傳奇｜張寶兒為聲夢幫造型被批未夠班 呢一位接捧做服裝指導 網友點睇？【下一頁】

節目中，Bowie自爆年初疫情間發現懷孕的有趣「四線」過程，原來當時夫妻從外遊回港，感覺身體不適，她先用快測檢驗COVID，繼而發現懷孕，「首先我係驗COVID中咗先，繼而同日因為覺得最近身體不太規律，所以順便驗埋孕，點知同一日就驗到，最後我係四條線，仲擔心影響到BB。」被問到懷孕之後，Ben有否對自己表現出份外關心，Bowie更不隨意地放閃謂：「佢不嬲都對我好好！好關心我！好照顧我！」

{{hket:inline-image name="350266750_551658067154997_7046663769572924812_n.jpg"}}{{/hket:inline-image}}

{{hket:inline-image name="370551796_857772245706360_3342949239113664593_n.jpg"}}{{/hket:inline-image}}

{{hket:inline-image name="370484585_692362976039821_8962989779889724305_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組