滙豐「開門見工」 24小時IG Story招聘日

滙豐為配合業務持續增長，將開創業界先河舉辦「Knock Knock開門見工」招聘計劃，首次結合社交媒體及真人嘅方式，招聘有志之士加入零售銀行業。

黛安知道，計劃喺本周六（26日）於銅鑼灣舉行快閃宣傳揭開序幕，仲會喺街頭設置招聘大門，大家開門後即可睇到短片，介紹滙豐工作嘅晉升機會、福利及培訓計劃。

9月4日滙豐更會喺IG（@hsbc_hk）舉辦全港首個銀行24小時限定IG Story招聘日。申請人只要回答5條簡單問題，經初步篩選後，即有機會與滙豐招聘團隊接觸，探討喺前綫工作嘅機會；第3階段將喺9月舉行，獲選者會喺分行面試，仲有機會即場獲得有條件錄取㖭。