即食麵誕生65周年 本周五請市民搭巴士

今個星期五（25日）九巴將與日清食品合作，舉辦免費乘車日，全港市民當日可無限次免費乘搭8號綫巴士，暢遊尖沙咀碼頭至九龍站巴士總站嘅景點，慶祝即食麵誕生65周年。

公關姊妹同黛安講，8號綫巴士途經尖沙咀、紅磡、何文田、佐敦及九龍站，沿途有唔少香港地道懷舊美食。例如由尖沙咀碼頭出發嘅乘客，可以喺孖庶街巴士站落車後，行去紅磡寶其利街一帶食下港式串燒及格仔餅，或到附近冰室歎個港人最愛嘅沙嗲牛肉麵。如果喺何文田（愛民邨）落車，亦可以去有「九龍模範邨」之稱、歷史悠久嘅愛民邨，邨內就有逾40年歷史嘅食肆，可品嘗地道菠蘿包及酥皮蛋撻等。至於在尖沙咀碼頭落車嘅市民，則可步行到日清食品位於中港城嘅合味道紀念館，參加工作坊，大家唔好錯過喇。